kamplumpiyu

KITAB AT-TAHARAH (SO KALIMPEYO) -1 ﻋﻦ ﻋﻤﺮ ﺑﻦ ﺍﻟﺨﻄﺎﺏ ﻗﺎﻝ : ﺳﻤﻌﺖ ﺭﺳﻮﻝ ﺍﻟﻠﻪ ﻳﻘﻮﻝ ”: ﺇﻧﻤﺎ ﺍﻷﻋﻤﺎﻝ ﺑﺎﻟﻨﻴﺎﺕ - ﻭﻓﻲ ﺭﻭﺍﻳﺔ : ﺑﺎﻟﻨﻴﺔ - ﻭﺇﻧﻤﺎ ﻟﻜﻞ ﺍﻣﺮﺉ ﻣﺎ ﻧﻮﻯ , ﻓﻤﻦ ﻛﺎﻧﺖ ﻫﺠﺮﺗﻪ ﺇﻟﻰ ﺍﻟﻠﻪ ﻭﺭﺳﻮﻟﻪ , ﻓﻬﺠﺮﺗﻪ ﺇﻟﻰ ﺍﻟﻠﻪ ﻭﺭﺳﻮﻟﻪ , ﻭﻣﻦ ﻛﺎﻧﺖ ﻫﺠﺮﺗﻪ ﺇﻟﻰ ﺩﻧﻴﺎ ﻳﺼﻴﺒﻬﺎ ﺃﻭ ﺍﻣﺮﺃﺓ ﻳﺘﺰﻭﺟﻬﺎ , ﻓﻬﺠﺮﺗﻪ ﺇﻟﻰ ﻣﺎ ﻫﺎﺟﺮ ﺇﻟﻴﻪ. ﺍﻟﻨﻴﺔ : ﺍﻟﻘﺼﺪ ﻭﺍﻟﻌﺰﻡ ﻋﻠﻰ ﺍﻟﺸﻲﺀ. 1- Miyaka Tithayan ki Umar Ibn Al-Hattab a Kibabayan skaniyan O Allah a Pitharo iyan: [Miyan’g Akn so Rasolollah “saw” a Diiniyan tharoon :“Mataan a so Mga Galbk na aya tharimaanon na so Kiyaniatanon, Na go Mataan a Ayabo a Bagian o Mga taw ko Mga Galbk Iran Na so Kiayaniataniranon, na sa Taw a aya Kaadnan o Kiyatogalin iyan na Makapantag sa Onotonot iyan ko Allah goso Siyogo iyan, na so kiyatogalin iyan na Miyaadn a mambo a onotonot ko Allah agoso Siyogo iyan, na Sapman sa Taw a tomiyugalin sa makapantag sa sa babaya iyan ko Dunya odi na Makapantag sa Bae a kabayaan iyan mangaroma, na ayadn a Balas o kiyatogalin Iyan na so Sabap a initogalin Iyan”. -2 ﻋﻦ ﺃﺑﻲ ﻫﺮﻳﺮﺓ ﻗﺎﻝ : ﻗﺎﻝ ﺭﺳﻮﻝ ﺍﻟﻠﻪ " :ﻻ ﻳﻘﺒﻞ ﺍﻟﻠﻪ ﺻﻼﺓ ﺃﺣﺪﻛﻢ ﺇﺫﺍ ﺃﺣﺪﺙ ﺣﺘﻰ ﻳﺘﻮﺿﺄ". ﺃﺣﺪﺙ : ﺣﺼﻞ ﻣﻨﻪ ﺍﻟﺤﺪﺙ ، ﻭﻫﻮ ﺍﻟﺨﺎﺭﺝ ﻣﻦ ﺃﺣﺪ ﺍﻟﺴﺒﻴﻠﻴﻦ ﺃﻭﻏﻴﺮﻩ ﻣﻦ ﻧﻮﺍﻗﺾ ﺍﻟﻮﺿﻮﺀ 2- Miyakapoon ki Abu Huraira a pitharo iyan a pitharo kon o rasolollah : “ di tharimaan o Allah so Sambayang o Isa rkano igira a Miya hadas taman sa di Maka pagabdas”. Hadas: So Langon a Phaka poon ko Duwa a Bngawan o Taw, agoso Langon a Phamakabatal ko Abdas. -3 ﻋﻦ ﻋﺒﺪ ﺍﻟﻠﻪ ﺑﻦ ﻋﻤﺮﻭ ﺑﻦ ﺍﻟﻌﺎﺹ ﻭﺃﺑﻲ ﻫﺮﻳﺮﺓ ﻭﻋﺎﺋﺸﺔ ﺭﺿﻲ ﺍﻟﻠﻪ ﻋﻨﻬﻢ ﻗﺎﻟﻮﺍ : ﻗﺎﻝ ﺭﺳﻮﻝ ﺍﻟﻠﻪ: ﻭﻳﻞ ﻟﻸﻋﻘﺎﺏ ﻣﻦ ﺍﻟﻨﺎﺭ. ﺍﻟﻮﻳﻞ : ﺍﻟﻌﺬﺍﺏ ﻭﺍﻟﻬﻼﻙ ، ﻭﺟﺎﺀ ﻓﻲ ﺑﻌﺾ ﺍﻵﺛﺎﺭ ﺃﻧﻪ ﻭﺍﺩ ﻓﻲ ﺟﻬﻨﻢ ﺍﻷﻋﻘﺎﺏ : ﺟﻤﻊ ﻋﻘﺐ ، ﻭﻫﻮ ﻣﺆﺧﺮ ﺍﻟﻘﺪﻡ . ﻭﺍﻟﻤﺮﺍﺩ ﺃﺻﺤﺎﺑﻬﺎ. 3- miyaka poon ki Abdullah Bni Amr Bni Al-As Gosi Abi Hurairah Gosi Aisah Kiyababayaan siran o Allah langon Pitharo iran: “ Pitharo o Rasolollah Sangat a siksa a phoon sa Apoy a Bagian o Mga taw a Diiran phpiyapiyaan monab so Mga Panintilan Iran”. Al-Wail: so Kasiksaan go Kabinasaan, miyakatalingoma ko Pd a Mga Totholan a ayakon a Maana niyan na: balintad sii sa Naraka. -4 ﻋﻦ ﺃﺑﻲ ﻫﺮﻳﺮﺓ : ﺃﻥ ﺭﺳﻮﻝ ﺍﻟﻠﻪ ﻗﺎﻝ ”: ﺇﺫﺍ ﺗﻮﺿﺄ ﺃﺣﺪﻛﻢ ﻓﻠﻴﺠﻌﻞ ﻓﻲ ﺃﻧﻔﻪ ﻣﺎﺀ , ﺛﻢ ﻟﻴﻨﺘﺜﺮ , ﻭﻣﻦ ﺍﺳﺘﺠﻤﺮ ﻓﻠﻴﻮﺗﺮ , ﻭﺇﺫﺍ ﺍﺳﺘﻴﻘﻆ ﺃﺣﺪﻛﻢ ﻣﻦ ﻧﻮﻣﻪ ﻓﻠﻴﻐﺴﻞ ﻳﺪﻳﻪ ﻗﺒﻞ ﺃﻥ ﻳﺪﺧﻠﻬﻤﺎ ﻓﻲ ﺍﻹﻧﺎﺀ ﺛﻼﺛﺎ ، ﻓﺈﻥ ﺃﺣﺪﻛﻢ ﻻ ﻳﺪﺭﻱ ﺃﻳﻦ ﺑﺎﺗﺖ ﻳﺪﻩ. ﻭﻓﻲ ﻟﻔﻆ ﻟﻤﺴﻠﻢ : ﻓﻠﻴﺴﺘﻨﺸﻖ ﺑﻤﻨﺨﺮﻳﻪ ﻣﻦ ﺍﻟﻤﺎﺀ. ﻭﻓﻲ ﻟﻔﻆ : ﻣﻦ ﺗﻮﺿﺄ ﻓﻠﻴﺴﺘﻨﺸﻖ. ﻟﻴﻨﺜﺮ : ﻳﻌﻨﻲ ﻳﺨﺮﺝ ﺍﻟﻤﺎﺀ ﻣﻦ ﺃﻧﻔﻪ ، ﺑﻌﺪ ﺇﺩﺧﺎﻟﻪ ﻓﻴﻪ ، ﻭﻫﻮ ﺍﻻﺳﺘﻨﺸﺎﻕ. ﺍﺳﺘﺠﻤﺮ : ﺍﺳﺘﻌﻤﻞ ﺍﻟﺤﺠﺎﺭﺓ ﻓﻲ ﻣﺴﺢ ﺍﻟﺒﻮﻝ ﻭﺍﻟﻐﺎﺋﻂ. ﻓﻠﻴﻮﺗﺮ : ﺃﻱ ﻟﻴﻨﻪ ﺍﺳﺘﺠﻤﺎﺭﻩ ﻋﻠﻰ ﻭﺗﺮ ، ﺛﻼﺙ ﺃﻭﺧﻤﺲ ﺃﻭﺃﻛﺜﺮ. ﻓﻠﻴﺴﺘﻨﺸﻖ : ﺍﻻﺳﺘﻨﺸﺎﻕ ﻫﻮ ﺇﺩﺧﺎﻝ ﺍﻟﻤﺎﺀ ﻓﻲ ﺍﻷﻧﻒ ﺛﻢ ﻧﺜﺮﻩ ﺧﺎﺭﺟﻪ . 4- Miyakapoon ki Abi Hurairah a mataang kon a so Rasulollah “saw” na pitharo iyan a: pabila a so isa rkano na phagabdas na tago I niyan sa Ig a Ngerong iyan, oriyan iyan na na pan’nga, na sa Taw a aya ipamopo iyan na Ator na baloya niyan a Gansar, na igira a miyakanaw so Isa rkano makapoon ko katotorogaon na onabi niyan a Dowambala a Lima niyan ko onaanpn o daniyanon kisoldn ko Pananagoay sa Ig, kay mataan a so Isa rkano na diniyan katawan o anda mibbtad a Lima niyan sa kiyararamagan. -5 ﻋﻦ ﺃﺑﻲ ﻫﺮﻳﺮﺓ : ﺃﻥ ﺭﺳﻮﻝ ﺍﻟﻠﻪ ﻗﺎﻝ " :ﻻ ﻳﺒﻮﻟﻦ ﺃﺣﺪﻛﻢ ﻓﻲ ﺍﻟﻤﺎﺀ ﺍﻟﺪﺍﺋﻢ ﺍﻟﺬﻱ ﻻ ﻳﺠﺮﻱ , ﺛﻢ ﻳﻐﺘﺴﻞ ﻣﻨﻪ." ﻭﻟﻤﺴﻠﻢ " :ﻻ ﻳﻐﺘﺴﻞ ﺃﺣﺪﻛﻢ ﻓﻲ ﺍﻟﻤﺎﺀ ﺍﻟﺪﺍﺋﻢ ﻭﻫﻮ ﺟﻨﺐ". ﺍﻟﻤﺎﺀ ﺍﻟﺪﺍﺋﻢ : ﺍﻟﻤﺴﺘﻘﺮ ﻓﻲ ﻣﻜﺎﻧﻪ ﻛﺎﻟﻐﺪﺭﺍﻥ ﻭﺍﻟﺒﺮﻙ. ﺟﻨﺐ : ﺍﻟﺠﻨﺐ ، ﻣﻦ ﺃﺻﺎﺑﺘﻪ ﺍﻟﺠﻨﺎﺑﺔ ، ﻳﻄﻠﻖ ﻋﻠﻰ ﺍﻟﻤﺬﻛﺮ ﻭﺍﻟﻤﺆﻧﺚ ، ﻭﺍﻟﻔﺮﺩ ﻭﺍﻟﺠﻤﺎﻋﺔ. 5- Miyakapoon ki Abi Hurairah : Mataan kon a so Rasolollah na pitharo iyan: “ oba titi so Isa rkano ko Ig a Matatangl a maiistidi a di thoga, oriyaniyan na p’phaygoon bo. Na sii ko kiyapanotholaon I Muslim na aya kiya aloya niyanon na :” oba phaigo so isa rkano ko Eg a matatangl a dithoga a skaniyan na mazozonob. -6 ﻋﻦ ﺃﺑﻲ ﻫﺮﻳﺮﺓ : ﺃﻥ ﺭﺳﻮﻝ ﺍﻟﻠﻪ ﻗﺎﻝ " : ﺇﺫﺍ ﺷﺮﺏ ﺍﻟﻜﻠﺐ ﻓﻲ ﺇﻧﺎﺀ ﺃﺣﺪﻛﻢ ﻓﻠﻴﻐﺴﻠﻪ ﺳﺒﻌﺎ" . ﻭﻟﻤﺴﻠﻢ " :ﺃﻭﻻﻫﻦ ﺑﺎﻟﺘﺮﺍﺏ" . ﻭﻟﻪ ﻓﻲ ﺣﺪﻳﺚ ﻋﺒﺪ ﺍﻟﻠﻪ ﺑﻦ ﻣﻐﻔﻞ : ﺃﻥ ﺭﺳﻮﻝ ﺍﻟﻠﻪ ﻗﺎﻝ : ﺇﺫﺍ ﻭﻟﻎ ﺍﻟﻜﻠﺐ ﻓﻲ ﺍﻹﻧﺎﺀ ﻓﺎﻏﺴﻠﻮﻩ ﺳﺒﻌﺎ ﻭﻋﻔﺮﻭﻩ ﺍﻟﺜﺎﻣﻨﺔ ﺑﺎﻟﺘﺮﺍﺏ". ﻭﻟﻎ : ﺷﺮﺏ ﺑﻄﺮﻑ ﻟﺴﺎﻧﻪ ﻋﻔﺮﻭﻩ : ﺍﻟﺘﻌﻔﻴﺮ : ﺍﻟﺘﻤﺮﻳﻎ ﻓﻲ ﺍﻟﻌﻔﺮ ﻭﻫﻮ ﺍﻟﺘﺮﺍﺏ. 6- Miyapanothol I Abu Hurairah a mataan kon a so Rasulollah na pitharo iyan : pabila a inoman a Aso so pananagoay niyo na onabi niyo so pananagoay sa sa maka Pito”. Siiko kiyapanotholaon I Muslim na :” aya pagampaganay a ipagonabon na Butha”. Miyapanothol pn I Muslim a Hadith I Abdullah Bni Mugaffal a mataangkon a so Rasolollah na Pitharo iyan: “pabila a inoman a Aso so Pananagoay na onabiniyo sa maka pito na ganapa niyo a butha a Ikawalo. -7 ﻋﻦ ﺣﻤﺮﺍﻥ ﻣﻮﻟﻰ ﻋﺜﻤﺎﻥ ﺑﻦ ﻋﻔﺎﻥ ﺭﺿﻲ ﺍﻟﻠﻪ ﻋﻨﻬﻤﺎ : )) ﺃﻧﻪ ﺭﺃﻯ ﻋﺜﻤﺎﻥ ﺩﻋﺎ ﺑﻮﺿﻮﺀ , ﻓﺄﻓﺮﻍ ﻋﻠﻰ ﻳﺪﻳﻪ ﻣﻦ ﺇﻧﺎﺋﻪ , ﻓﻐﺴﻠﻬﻤﺎ ﺛﻼﺙ ﻣﺮﺍﺕ ، ﺛﻢ ﺃﺩﺧﻞ ﻳﻤﻴﻨﻪ ﻓﻲ ﺍﻟﻮﺿﻮﺀ , ﺛﻢ ﺗﻤﻀﻤﺾ ﻭﺍﺳﺘﻨﺸﻖ ﻭﺍﺳﺘﻨﺜﺮ ، ﺛﻢ ﻏﺴﻞ ﻭﺟﻬﻪ ﺛﻼﺛﺎ , ﻭﻳﺪﻳﻪ ﺇﻟﻰ ﺍﻟﻤﺮﻓﻘﻴﻦ ﺛﻼﺛﺎ , ﺛﻢ ﻣﺴﺢ ﺑﺮﺃﺳﻪ , ﺛﻢ ﻏﺴﻞ ﻛﻠﺘﺎ ﺭﺟﻠﻴﻪ ﺛﻼﺛﺎ , ﺛﻢ ﻗﺎﻝ : ﺭﺃﻳﺖ ﺍﻟﻨﺒﻲ ": ﻳﺘﻮﺿﺄ ﻧﺤﻮ ﻭﺿﻮﺋﻲ ﻫﺬﺍ ، ﻭﻗﺎﻝ " :ﻣﻦ ﺗﻮﺿﺄ ﻧﺤﻮ ﻭﺿﻮﺋﻲ ﻫﺬﺍ , ﺛﻢ ﺻﻠﻰ ﺭﻛﻌﺘﻴﻦ , ﻻ ﻳﺤﺪﺙ ﻓﻴﻬﻤﺎ ﻧﻔﺴﻪ ﻏﻔﺮ ﻟﻪ ﻣﺎ ﺗﻘﺪﻡ ﻣﻦ ﺫﻧﺒﻪ." ﺑﻮﺿﻮﺀ : ﺍﻟﻮﺿﻮﺀ ﺑﻔﺘﺢ ﺍﻟﻮﺍﻭ ، ﻣﻌﻨﺎﻩ ﺍﻟﻤﺎﺀ ﺍﻟﺬﻱ ﻳﺘﻮﺿﺄ ﺑﻪ ، ﻭﺑﻀﻤﻬﺎ ، ﻓﻌﻞ ﺍﻟﻮﺿﻮﺀ 7- Miyakapoon ko Humran a Tagikor I Uthman Bni Affan kiyababayaan siran o Allah a Duwa: “mtaan a skaniyan na miyailay niyan so Uthman I miaki kowa sa Eg a iphagabdas iyan, Na biyubosaniyan sa Eg a duwambala a palad a Lima niyan, na inonaban iyan sa miyakatlo, na oriyaniyan na ini Sold iyan a kawanan a Lima niyan sii ko Eg a diiniyan ipagabdas, na Oriyaniyan na Miyamomog, na Miyangilk sa Eg, go Miyan’nga, oriyaniyan na inonaban iyan a Buntal iyan sa miyakatlo, go giya Dowambala a Lima niyan taman sa Duwambala a Siko niyan sa Miyaka Tlo, oriyaniyan na Siyapo niyan a Olo niyan, Oriyan iyan na inonaban iyan a Dowambala a Ski niyan, Oriyaniyan na Pitharo iyan Miya ilay akn so Nabi “saw” a dii magabdas sa datardn a Kiyapagabdas akn aya, nago Pitharo iyan: “sa Taw a Magabdas sa datar a Kiyapagabdas akn aya, Oriyaniyan na samabayang sa duwaka Rkaat a Sunnah sarta dadn a baniyan pamik’r’n sa ginawa niyan sa Masao to a mga Sai (Bagay) a makapanatag sa kadodoniyai inontabo na so Sambayang, na inirilaon so Miya ona a Miyandosa Niyan”. -8 ﻋﻦ ﻋﻤﺮﻭ ﺑﻦ ﻳﺤﻴﻰ ﺍﻟﻤﺎﺯﻧﻲ ﻋﻦ ﺃﺑﻴﻪ ﻗﺎﻝ " :ﺷﻬﺪﺕ ﻋﻤﺮﻭ ﺑﻦ ﺃﺑﻲ ﺣﺴﻦ ﺳﺄﻝ ﻋﺒﺪ ﺍﻟﻠﻪ ﺑﻦ ﺯﻳﺪ ﻋﻦ ﻭﺿﻮﺀ ﺍﻟﻨﺒﻲ؟ ﻓﺪﻋﺎ ﺑﺘﻮﺭ ﻣﻦ ﻣﺎﺀ , ﻓﺘﻮﺿﺄ ﻟﻬﻢ ﻭﺿﻮﺀ ﺭﺳﻮﻝ ﺍﻟﻠﻪ " ﻓﺄﻛﻔﺄ ﻋﻠﻰ ﻳﺪﻳﻪ ﻣﻦ ﺍﻟﺘﻮﺭ , ﻓﻐﺴﻞ ﻳﺪﻳﻪ ﺛﻼﺛﺎ , ﺛﻢ ﺃﺩﺧﻞ ﻳﺪﻩ ﻓﻲ ﺍﻟﺘﻮﺭ , ﻓﻤﻀﻤﺾ ﻭﺍﺳﺘﻨﺸﻖ ﻭﺍﺳﺘﻨﺜﺮ ﺛﻼﺛﺎ ﺑﺜﻼﺙ ﻏﺮﻓﺎﺕ , ﺛﻢ ﺃﺩﺧﻞ ﻳﺪﻩ ﻓﻐﺴﻞ ﻭﺟﻬﻪ ﺛﻼﺛﺎ , ﺛﻢ ﺃﺩﺧﻞ ﻳﺪﻩ ﻓﻲ ﺍﻟﺘﻮﺭ , ﻓﻐﺴﻠﻬﻤﺎ ﻣﺮﺗﻴﻦ ﺇﻟﻰ ﺍﻟﻤﺮﻓﻘﻴﻦ ﺛﻢ ﺃﺩﺧﻞ ﻳﺪﻩ ﻓﻲ ﺍﻟﺘﻮﺭ , ﻓﻤﺴﺢ ﺭﺃﺳﻪ , ﻓﺄﻗﺒﻞ ﺑﻬﻤﺎ ﻭﺃﺩﺑﺮ ﻣﺮﺓ ﻭﺍﺣﺪﺓ ، ﺛﻢ ﻏﺴﻞ ﺭﺟﻠﻴﻪ." ﻭﻓﻲ ﺭﻭﺍﻳﺔ " : ﺑﺪﺃ ﺑﻤﻘﺪﻡ ﺭﺃﺳﻪ , ﺣﺘﻰ ﺫﻫﺐ ﺑﻬﻤﺎ ﺇﻟﻰ ﻗﻔﺎﻩ , ﺛﻢ ﺭﺩﻫﻤﺎ ﺣﺘﻰ ﺭﺟﻊ ﺇﻟﻰ ﺍﻟﻤﻜﺎﻥ ﺍﻟﺬﻱ ﺑﺪﺃ ﻣﻨﻪ." ﻭﻓﻲ ﺭﻭﺍﻳﺔ " ﺃﺗﺎﻧﺎ ﺭﺳﻮﻝ ﺍﻟﻠﻪ " ﻓﺄﺧﺮﺟﻨﺎ ﻟﻪ ﻣﺎﺀ ﻓﻲ ﺗﻮﺭ ﻣﻦ ﺻﻔﺮ." ﺍﻟﺘﻮﺭ : ﺷﺒﻪ ﺍﻟﻄﺴﺖ . ﺃﻫـ ﺍﻟﺘﻮﺭ : ﻫﻮ ﺇﻧﺎﺀ ﺻﻐﻴﺮ . ﻓﺄﻛﻔﺄ ﻋﻠﻰ ﻳﺪﻳﻪ : ﺃﻣﺎﻝ ﻭﺻﺐ ﻋﻠﻰ ﻳﺪﻳﻪ . ﻗﻔﺎﻩ : ﻣﺆﺧﺮﺓ ﺭﺃﺳﻪ . ﻣﻦ ﺻﻔﺮ : ﻫﻮ ﻧﻮﻉ ﻣﻦ ﺍﻟﻨﺤﺎﺱ . 8- Miyakapoon ki Amr Bni Yahya Al-Maziney miyakapoon kon pman ki Ama iyan a Pitharo iyan: “kiyambantayan akn si Amr Bni Abi Hasan a ini Isha iyan ki Abdullah Bni Zaid so Abdas O Rasulollah? Na miyaki kowa sa Pananagoay si Abdullah a adn a Egon na miyagabdas Kiran sa Datar dn O kapagabdas o Rasulollah, na Biyubosan iyan sa Eg a Duwambala a Lima niyan na Inonaban iyan sa Miyakatlo, oriyaniyan na ini sold iyan a Lima niyan ko Pananagoay, na Miyamomog go miyangilk sa Eg go miyan’nga sa miyakatlo sa oman I isa na maka Isa mambo Maka kowa sa Eg, oriyaniyan na inisold iyanon pman pharoman na Inonaban iyan a Buntal iyan sa Miyakatlo, oriyan iyanna ini sold iyan a Lima (Diyudo iyan) sii ko pananagoay na niyan a Duwambala a Lima niyan taman sa Siko sa Miyakatlo, oriyaniyan na insold iyan pman a Lima niyan ko Pananagoay na siyapo niyan a Olo niyan sa inipoon iyan sa Poro a Bn’ng taman sa Miyaka oma sa Tngo na Piaka kasaoy niyan bo pman pharoman ko Piphoonaniyanon, oriyan iyan na inonaban iyan a duwambala a Ski niyan. -9 ﻋﻦ ﻋﺎﺋﺸﺔ ﺭﺿﻲ ﺍﻟﻠﻪ ﻋﻨﻬﺎ ﻗﺎﻟﺖ ”:ﻛﺎﻥ ﺭﺳﻮﻝ ﺍﻟﻠﻪ ﻳﻌﺠﺒﻪ ﺍﻟﺘﻴﻤﻦ ﻓﻲ ﺗﻨﻌﻠﻪ , ﻭﺗﺮﺟﻠﻪ , ﻭﻃﻬﻮﺭﻩ , ﻭﻓﻲ ﺷﺄﻧﻪ ﻛﻠﻪ." ﻳﻌﺠﺒﻪ ﺍﻟﺘﻴﻤﻦ : ﺍﺳﺘﻌﻤﺎﻝ ﺍﻟﻴﺪ ﺍﻟﻴﻤﻴﻦ ، ﻭﺍﻟﺒﺪﺀ ﺑﺎﻟﻴﻤﻴﻦ ﻓﻲ ﻛﻞ ﻣﺎﻫﻮ ﺷﺮﻳﻒ ﻭﻃﺎﻫﺮ ﻭﻃﻴﺐ . ﺗﻨﻌﻠﻪ : ﻟﺒﺲ ﺍﻟﻨﻌﻞ ﻭﻫﻮ ﺍﻟﺤﺬﺍﺀ . ﺗﺮﺟﻠﻪ : ﺗﺴﺮﻳﺢ ﺷﻌﺮﻩ ﺑﺎﻟﻤﺸﻂ . ﻃﻬﻮﺭﻩ : ﺑﻀﻢ ﺍﻟﻄﺎﺀ : ﻳﺸﻤﻞ ﺍﻟﻮﺿﻮﺀ ﻭﺍﻟﻐﺴﻞ . ﻭﻓﻲ ﺷﺄﻧﻪ ﻛﻠﻪ : ﻓﻲ ﺍﻷﻣﻮﺭ ﺍﻟﺸﺮﻳﻔﺔ ﺍﻟﻤﺴﺘﻄﺎﺑﺔ 9- Miyaka poon ki Aisa kiyababayaan skaniyan o Allah pitharo iyan: “Aya kaadnan o Rasulollah na P’kababayaan iyan so kakhawanan (Kaosarako Liama a Kawanan, goso Kapoon sii sa Tumampar sa Kawanan) sii ko kapsolot iyan sa Talompa, Go siiko kaphanalday niyan, go sii ko diinyan kashuti, go siiko kalangowan a btad iyan”. -10 ﻋﻦ ﻧﻌﻴﻢ ﺍﻟﻤﺠﻤﺮ ﻋﻦ ﺃﺑﻲ ﻫﺮﻳﺮﺓ ﻋﻦ ﺍﻟﻨﺒﻲ ﺃﻧﻪ ﻗﺎﻝ : )) ﺇﻥ ﺃﻣﺘﻲ ﻳﺪﻋﻮﻥ ﻳﻮﻡ ﺍﻟﻘﻴﺎﻣﺔ ﻏﺮﺍ ﻣﺤﺠﻠﻴﻦ ﻣﻦ ﺁﺛﺎﺭ ﺍﻟﻮﺿﻮﺀ (( . ﻓﻤﻦ ﺍﺳﺘﻄﺎﻉ ﻣﻨﻜﻢ ﺃﻥ ﻳﻄﻴﻞ ﻏﺮﺗﻪ ﻓﻠﻴﻔﻌﻞ . ﻭﻓﻲ ﻟﻔﻆ ﻟﻤﺴﻠﻢ : )) ﺭﺃﻳﺖ ﺃﺑﺎ ﻫﺮﻳﺮﺓ ﻳﺘﻮﺿﺄ , ﻓﻐﺴﻞ ﻭﺟﻬﻪ ﻭﻳﺪﻳﻪ ﺣﺘﻰ ﻛﺎﺩ ﻳﺒﻠﻎ ﺍﻟﻤﻨﻜﺒﻴﻦ , ﺛﻢ ﻏﺴﻞ ﺭﺟﻠﻴﻪ ﺣﺘﻰ ﺭﻓﻊ ﺇﻟﻰ ﺍﻟﺴﺎﻗﻴﻦ , ﺛﻢ ﻗﺎﻝ : ﺳﻤﻌﺖ ﺭﺳﻮﻝ ﺍﻟﻠﻪ ) ﻳﻘﻮﻝ : ﺇﻥ ﺃﻣﺘﻲ ﻳﺪﻋﻮﻥ ﻳﻮﻡ ﺍﻟﻘﻴﺎﻣﺔ ﻏﺮﺍ ﻣﺤﺠﻠﻴﻦ ﻣﻦ ﺁﺛﺎﺭ ﺍﻟﻮﺿﻮﺀ (( ﻓﻤﻦ ﺍﺳﺘﻄﺎﻉ ﻣﻨﻜﻢ ﺃﻥ ﻳﻄﻴﻞ ﻏﺮﺗﻪ ﻭﺗﺤﺠﻴﻠﻪ ﻓﻠﻴﻔﻌﻞ . ﻭﻓﻲ ﻟﻔﻆ ﻟﻤﺴﻠﻢ: ﺳﻤﻌﺖ ﺧﻠﻴﻠﻲ ﻳﻘﻮﻝ: )) ﺗﺒﻠﻎ ﺍﻟﺤﻠﻴﺔ ﻣﻦ ﺍﻟﻤﺆﻣﻦ ﺣﻴﺚ ﻳﺒﻠﻎ ﺍﻟﻮﺿﻮﺀ (( . ﻳﺪﻋﻮﻥ : ﻳﻨﺎﺩﻭﻥ . ﻏﺮﺍ : ﺍﻟﻐﺮﺓ : ﺑﻴﺎﺽ ﻓﻲ ﻭﺟﻪ ﺍﻟﻔﺮﺱ ، ﺃﻃﻠﻘﺖ ﻋﻠﻰ ﻧﻮﺭ ﻭﺟﻮﻫﻬﻢ ﺍﻟﻤﺸﺒﻬﺔ ﺑﻐﺮﺓ ﺍﻟﻔﺮﺱ . ﻣﺤﺠﻠﻴﻦ : ﻣﻦ ﺍﻟﺘﺤﺠﻴﻞ ﻭﻫﻮ ﺑﻴﺎﺽ ﻓﻲ ﻗﻮﺍﺋﻢ ﺍﻟﻔﺮﺱ . ﻭﺍﻟﻤﺮﺍﺩ ﺑﺬﻟﻚ ﺍﻟﻨﻮﺭ ﺍﻟﺬﻱ ﻳﻌﻠﻮ ﻭﺟﻮﻫﻬﻢ ﻭﺃﻳﺪﻳﻬﻢ ﻭﺃﺭﺟﻠﻬﻢ ﻳﻮﻡ ﺍﻟﻘﻴﺎﻣﺔ ، ﻭﻫﺬﺍ ﻣﻦ ﺧﺼﺎﺋﺺ ﻫﺬﻩ ﺍﻷﻣﺔ . ﺍﻟﺤﻠﻴﺔ : ﺣﻠﻴﺔ ﺍﻟﻨﻮﺭ ﺍﻟﺘﻲ ﺗﺒﻠﻎ ﻣﺎﺑﻠﻎ ﻣﺎﺀ ﺍﻟﻮﺿﻮﺀ . 10- Miyakapoon ki Nuaim Al-Muzmir a miyakapoon kon pman ki Abu Hurairah a miyakapoon kon pman ko Nabi a Mataan a pitharo iyan: “mataan a so Ummat akn na Phananawagn siran sii sa Alongan a Mauri a Kisisindaw a mga Buntal iran go giya mga Lima iran go giya mga Ski Iran, sa rarad oto o Abdas”. Pitharo iyan (si Abu Hurairah) sa phakagaga rkano a pakaporoon iyan so sindaw niyan na Nggalbkaniyan. Go sii ko kiya aloy niya a isa sii ki Muslim na: “miya ilay akn si Abu Hurairah a dii magabdas na inonaban iyan a buntal iyan go giya lima niyan a Duwambala taman sa maitobo na makaoma sa duwambala a Waga, oriyan iyan na inonaban iyan a Ski niyan taman sa iniporo iyandn sa Pamosoan iyan, oriyan iyan na pitharo iyan: “ miyan’g akn so Rasulollah a diiniyan tharoon: “mataan a so Ummat akn na Phananawagn siran sii sa Alongan a Mauri a Kisisindaw a mga Buntal iran, go giya mga Lima iran go giya mga Ski Iran, sa rarad oto o Abdas”. Pitharo iyan (si Abu Hurairah) sa phakagaga rkano a pakaporoon iyan so sindaw niyan na Nggalbkaniyan”. Siiko isa a kiya alloy niyan ki Muslim na : “iprampay so sindaw o Mo’min (Mapaparatiyaya) sii ko taman phrampayan a Abdas”.

Kapnai haiji tlo a okit iyan

So kapnaihadji na tlo a okit iyan: 1. Hajj Tamattu 2. Hajj Kiran 3. Hajj Ifrad Aya petharoon a Hajj Tamattu na so kapagihram sa aya peniaten na Umrah, sii ko manga olanolan a Hajj , iphoon ko paganay ko Sawal na taman ko kasbang o Fajr ko gawii a ikasapolo ko Zol-Hajji, sa pagimasaden o naihadji angkoto a Umrah, na orianiyan na phagihram saroman, sa aya peniaten iyan na Hajj , sa sii den phagihram sa Makkah, odi na so marani ron a darpa sii ko gawii a Tarwiyah (ika walo ko Zol-Hajji) sangkoto a ragon a kiyapagumra niyan. Aya petharoon a Hajj Kiran na so kapagihram sa aya peniaten na Umrah ago Hajj sa merengan, sii ko manga olanolan a Hajj, sa di phakakekang so naihadji sa ihram, inontabo sii ko gawii a kapekorban (ikasapolo ko Zol-Hajji), odi na aya ped a okit iyan na phagihram sa aya peniaten iyan na Umrah, sii ko manga olanolan a Hajj, na orianiyan na izold iyanon so kapeniata niyan ko Hajj, sii ko da niyan pen kapakathawaf sa Tawaf a Hajj. Aya petharoon a Hajj Ifrad na so kapagihram sa aya peniaten iyan a paganay na Hajj, sii ko manga olanolan a Hajj, sa sii pekawa ko mikat, odi na sii den sa walay niyan amayka mao- onaan o mikat, odi na sii sa Makkah amayka mababalingon, orianiyan na makapagi-ihram den sa taman sii ko gawii a kapekorban, amayka sekaniyan na ana mapekorban iyan, amayka da a mapekorban iyan na inisogoon so kabarengkasa niyan ko niat iyan a Hajj, sa mbaloyin a Umrah, kaan mabaloy a Hajj Tamattu, sa makapethawaf ago makapeza’ey, nago katepedan iyan so bok iyan, nago phakakekang sa ihram, sa datar o kinisogoonon o Nabi (r) ko siran oto a aya inipagihram iran na Hajj Ifrad a da aba iran mapekorban. Sa datar den anan so aya inipagihram iyan na Hajj Kiran, a amayka da aba niyan mapekorban na inisogoon so kabarengkasa niyan ko niat iyan a Hajj Kiran, sa mbaloyin a Umrah, sabap sangkoto a miya-aloy tano. Aya mapiya a kapnaihadji na Hajj Tamattu, sii ko tao a da aba niyan tonda a mapekorban iyan, ka kagiya so Nabi (r) na giyanan i inisogo iyan ko manga sahaba niyan ago tiyangked iyan kiran. Amayka seka na aya inipagihramka na Hajj Tamattu odi na Hajj Kiran, na miyawajib reka so kasombali sa Hadi (pekorbanen) sii ko gawii a ikasapolo ko Zol-Hajji, a satiman a kambing odi na ikapito bagi ko satiman a onta, odi na ikapito bagi ko satiman a sapi, sa amayka da a miyatoonka na miyawajib reka so kaphowasa sa sapolo gawii, tlo gawii ko masa a Hajj, na pito gawii ko kapakandod ka ko manga pamilyangka. Ogaid na aya thomo na so kapowasaingka ko tlo gawii ko onaan o kapagokop sa Arafa, sa o powasaingka ko tlo gawii ko oriyan o boka na da a karata iyan.

So kaqunot siko sambayang

KOKOMAN O KAKONOT SII KO SAMBAYANG A FAJR ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ Tonai maana a (ﻗﻨﻮﺕ) Konot? So Konot ( )ﻗﻨﻮﺕ na madakl i maana sa Lugah, na aya Lomalangkap a maana niyan sa Logah na kandowaa (kapamangni). ﻗﺎﻝ ﺍﻟﺰﺟﺎﺝ: ﺍﻟﻤﺸﻬﻮﺭ ﻓﻲ ﺍﻟﻠﻐﺔ ﺃﻥ ﺍﻟﻘﻨﻮﺕ ﺍﻟﺪﻋﺎﺀ، ﻭﺃﻥ ﺍﻟﻘﺎﻧﺖ ﺍﻟﺪﺍﻋﻲ. Pitharo o Azzajjaaj: “Aya Lomalangkap sa Logah a maana o Konot na kandowaa…” ﻗﺎﻝ ﺍﻟﻨﻮﻭﻱ: ﻳﻄﻠﻖ ﺍﻟﻘﻨﻮﺕ ﻋﻠﻰ ﺍﻟﺪﻋﺎﺀ ﺑﺨﻴﺮ ﻭﺷﺮ. Pitharo o Imam Nawawi: “ipmbtho so Qonoot sii ko kandowaa (kapamangni) sa mapiya ago marata”. Giyanan i pd a maana a konot sii sa Lugah a Kapamangni/Kandowaa. Na aya maana a Qonoot sii ko Istilah o mga Ulama na kapamangni sii ko sold o sambayang sii ko mattndo a darpa sii ko sold o sambayang. ﻗﺎﻝ ﺍﻹﻣﺎﻡ ﺍﺑﻦ ﻋﻼﻥ" :ﺍﻟﻘﻨﻮﺕ ﻓﻬﻮ ﺍﺳﻢ ﻟﻠﺪﻋﺎﺀ ﻓﻲ ﺍﻟﺼﻼﺓ، ﻓﻲ ﻣﺤﻞ ﻣﺨﺼﻮﺹ ﻣﻦ ﺍﻟﻘﻴﺎﻡ." ﺍﻫـ Pitharo o Imam Ibn Allaan: “So Konot na term anan a sii pakamomorada ko kandowaa sii ko sambayang, sii ko mattndo a katindg sii ko masa a sambayang”. MGA DARPA O KAKONOT So kakonot na tlo a kiyapagosayaon o Pat a Madhab: - Kakonot sii ko sambayang a Fajr (Sobh). - Kakonot sii ko last raka-at a witr. - Kakonot sii ko Last Raka-at o Langowan a Sambayang sii ko kapkitalmba o mga ala a Ragaor. Sii ko Madhab tano a Shafi’i na aya Tindg tano ko Kakonot sii ko sambayang a Fajr na Sunnah a opamaka bagakn o tao a misambayang sa Fajr na Taralbi a makasojod ska niyan sa Sojood Sawhi sa mlagid o Pitibaba iyan a kinibagakn iyanon antaaka da niyan tibabaa. Minipagayon tano san so mga Maliki a pkonot siran mambo sii ko Sambayang a Fajr. Na aya Tindg tano sa giyanan a kakonot sii ko Last raka’at a Witr na aya bo a kakonot tano ron na sii ko witr ko Kalooki Ramadan na giyoto o kapkonot tano ron sa taman dn sa kapopos o ramadan. Aya maana niyan na sii ko Kalooki ko Ramadan na giyoto i kaphagpoon tano Komonot sii ko sambayang a witr, knaba ba sii ko paganay pn a gawii ko ramadan na miyagpoon tano dn Komonot ko witr. Na sii pman sa giyanan a ikatlo na aya tindg tano san a mga Shafi’i na igira a adn a minitalmba a mga ragaor na Sunnah a pphakakonot tano sii ko langowan a Sambayang a paralo. Aya pagosayin tano san na so Kakonot sii ko sambayang a Fajr ka sabap sa giyanan i mababaloy a Topic tano. SO KAKONOT SII KO SAMBAYANG A FAJR So kakonot sii ko oman sambayang a Fajr (Sobo) na Sunnah a dadn bagakn o Nabi (S) sa taman dn sa kiyawapat iyan, ago giyanan i titindgan o kadaklan ko mga Ulama ago so kadaklan ko mga Sahaba ago so mga Tabi’een ago so mga Tabi’uttabi’een. ﻭﻗﺎﻝ ﺍﻹﻣﺎﻡ ﺍﻟﻨﻮﻭﻱ ﺭﺣﻤﻪ ﺍﻟﻠﻪ ﻓﻲ ﺍﻟﻤﺠﻤﻮﻉ" :ﻣﺬﻫﺒﻨﺎ ﺃﻧﻪ ﻳﺴﺘﺤﺐ ﺍﻟﻘﻨﻮﺕ ﻓﻴﻬﺎ –ﺃﻱ ﺻﻼﺓ ﺍﻟﻔﺠﺮ- ﺳﻮﺍﺀ ﻧﺰﻟﺖ ﻧﺎﺯﻟﺔ ﺃﻭ ﻟﻢ ﺗﻨﺰﻝ، ﻭﺑﻬﺬﺍ ﻗﺎﻝ ﺃﻛﺜﺮ ﺍﻟﺴﻠﻒ ﻭﻣﻦ ﺑﻌﺪﻫﻢ ﺃﻭ ﻛﺜﻴﺮ ﻣﻨﻬﻢ، ﻭﻣﻤﻦ ﻗﺎﻝ ﺑﻪ ﺃﺑﻮ ﺑﻜﺮ ﺍﻟﺼﺪﻳﻖ ﻭﻋﻤﺮ ﺑﻦ ﺍﻟﺨﻄﺎﺏ ﻭﻋﺜﻤﺎﻥ ﺑﻦ ﻋﻔﺎﻥ ﻭﻋﻠﻲ ﻭﺍﺑﻦ ﻋﺒﺎﺱ ﻭﺍﻟﺒﺮﺍﺀ ﺑﻦ ﻋﺎﺯﺏ ﺭﺿﻲ ﺍﻟﻠﻪ ﻋﻨﻬﻢ." Pitharo o Imam Nawawi: “Aya titindgan ami (a mga Shafi’i) na Sunnah so Kakonot sii ko oman sambayang a Fajr sa mlagid o adn a minitalmba a ragaor antaaka da, na giyanan dn i tindgan o kadaklan ko mga Sahaba ago so mga miyamakatondog kiran a madakl a mga ulama. Aya pd a titindg ko kakonot sii ko sambayang a Fajr na so Abubakr, go Omar, go Uthman, go so Ali, go so Ibn Abbas, go so Al-Barra Bin 'Aazib (Radhiallahu anhum)”. Giyanan i katharo o imam nawawi. ﻗﺎﻝ ﺍﻟﺤﺎﺯﻣﻲ ﻓﻲ ﻛﺘﺎﺏ ﺍﻻﻋﺘﺒﺎﺭ " :ﻭﺍﺧﺘﻠﻒ ﺍﻟﻨﺎﺱ ﻓﻲ ﺍﻟﻘﻨﻮﺕ ﻓﻲ ﺻﻼﺓ ﺍﻟﺼﺒﺢ ﻓﺬﻫﺐ ﺃﻛﺜﺮ ﺍﻟﻨﺎﺱ ﻣﻦ ﺍﻟﺼﺤﺎﺑﺔ ﻭﺍﻟﺘﺎﺑﻌﻴﻦ ﻓﻤﻦ ﺑﻌﺪﻫﻢ ﻣﻦ ﻋﻠﻤﺎﺀ ﺍﻷﻣﺼﺎﺭ ﻋﻠﻰ ﺇﺛﺒﺎﺕ ﺍﻟﻘﻨﻮﺕ ﻓﻴﻬﺎ ، ﻗﺎﻝ : ﻓﻤﻤﻦ ﺭﻭﻳﻨﺎ ﺫﻟﻚ ﻋﻨﻪ ﻣﻦ ﺍﻟﺼﺤﺎﺑﺔ ﺍﻟﺨﻠﻔﺎﺀ ﺍﻟﺮﺍﺷﺪﻭﻥ ﺃﺑﻮ ﺑﻜﺮ ﻭﻋﻤﺮ ﻭﻋﺜﻤﺎﻥ ﻭﻋﻠﻲ ﺭﺿﻮﺍﻥ ﺍﻟﻠﻪ ﺗﻌﺎﻟﻰ ﻋﻠﻴﻬﻢ ﺃﺟﻤﻌﻴﻦ ، ﻭﻣﻦ ﺍﻟﺼﺤﺎﺑﺔ ﻋﻤﺎﺭ ﺑﻦ ﻳﺎﺳﺮ ، ﻭﺃﺑﻲ ﺑﻦ ﻛﻌﺐ ، ﻭﺃﺑﻮ ﻣﻮﺳﻰ ﺍﻷﺷﻌﺮﻱ ، ﻭﻋﺒﺪ ﺍﻟﺮﺣﻤﻦ ﺑﻦ ﺃﺑﻲ ﺑﻜﺮ ﺍﻟﺼﺪﻳﻖ ، ﻭﻋﺒﺪ ﺍﻟﻠﻪ ﺑﻦ ﻋﺒﺎﺱ ، ﻭﺃﺑﻮ ﻫﺮﻳﺮﺓ ، ﻭﺍﻟﺒﺮﺍﺀ ﺑﻦ ﻋﺎﺯﺏ ، ﻭﺃﻧﺲ ﺑﻦ ﻣﺎﻟﻚ ، ﻭﺃﺑﻮ ﺣﻠﻴﻤﺔ ﻣﻌﺎﺫ ﺑﻦ ﺍﻟﺤﺎﺭﺙ ﺍﻷﻧﺼﺎﺭﻱ ، ﻭﺧﻔﺎﻑ ﺑﻦ ﺇﻳﻤﺎﺀ ﺑﻦ ﺭﺣﻀﺔ ، ﻭﺃﻫﺒﺎﻥ ﺑﻦ ﺻﻴﻔﻲ ، ﻭﺳﻬﻞ ﺑﻦ ﺳﻌﺪ ﺍﻟﺴﺎﻋﺪﻱ ، ﻭﻋﺮﻓﺠﺔ ﺑﻦ ﺷﺮﻳﺢ ﺍﻷﺷﺠﻌﻲ ، ﻭﻣﻌﺎﻭﻳﺔ ﺑﻦ ﺃﺑﻲ ﺳﻔﻴﺎﻥ ، ﻭﻋﺎﺋﺸﺔ ﺍﻟﺼﺪﻳﻘﺔ ، ﻭﻣﻦ ﺍﻟﻤﺨﻀﺮﻣﻴﻦ ﺃﺑﻮ ﺭﺟﺎﺀ ﺍﻟﻌﻄﺎﺭﺩﻱ ، ﻭﺳﻮﻳﺪ ﺑﻦ ﻏﻔﻠﺔ ﻭﺃﺑﻮ ﻋﺜﻤﺎﻥ ﺍﻟﻨﻬﺪﻱ ، ﻭﺃﺑﻮ ﺭﺍﻓﻊ ﺍﻟﺼﺎﺋﻎ ، ﻭﻣﻦ ﺍﻟﺘﺎﺑﻌﻴﻦ ﺳﻌﻴﺪ ﺑﻦ ﺍﻟﻤﺴﻴﺐ ، ﻭﺍﻟﺤﺴﻦ ﺑﻦ ﺍﻟﺤﺴﻦ ، ﻭﻣﺤﻤﺪ ﺑﻦ ﺳﻴﺮﻳﻦ ، ﻭﺃﺑﺎﻥ ﺑﻦ ﻋﺜﻤﺎﻥ ، ﻭﻗﺘﺎﺩﺓ ، ﻭﻃﺎﻭﺱ ، ﻭﻋﺒﻴﺪ ﺑﻦ ﻋﻤﻴﺮ ، ﻭﺍﻟﺮﺑﻴﻊ ﺑﻦ ﺧﻴﺜﻢ ، ﻭﺃﻳﻮﺏ ﺍﻟﺴﺨﺘﻴﺎﻧﻲ ، ﻭﻋﺒﻴﺪﺓ ﺍﻟﺴﻠﻤﺎﻧﻲ ، ﻭﻋﺮﻭﺓ ﺑﻦ ﺍﻟﺰﺑﻴﺮ ، ﻭﺯﻳﺎﺩ ﺑﻦ ﻋﺜﻤﺎﻥ ، ﻭﻋﺒﺪ ﺍﻟﺮﺣﻤﻦ ﺑﻦ ﺃﺑﻲ ﻟﻴﻠﻰ ، ﻭﻋﻤﺮ ﺑﻦ ﻋﺒﺪ ﺍﻟﻌﺰﻳﺰ ، ﻭﺣﻤﻴﺪ ﺍﻟﻄﻮﻳﻞ ، ﻭﻣﻦ ﺍﻷﺋﻤﺔ ﻭﺍﻟﻔﻘﻬﺎﺀ ﺃﺑﻮ ﺇﺳﺤﺎﻕ ، ﻭﺃﺑﻮ ﺑﻜﺮ ﺑﻦ ﻣﺤﻤﺪ ، ﻭﺍﻟﺤﻜﻢ ﺑﻦ ﻋﺘﻴﺒﺔ ، ﻭﺣﻤﺎﺩ ﻭﻣﺎﻟﻚ ﺑﻦ ﺃﻧﺲ ، ﻭﺃﻫﻞ ﺍﻟﺤﺠﺎﺯ ، ﻭﺍﻷﻭﺯﺍﻋﻲ ﻭﺃﻛﺜﺮ ﺃﻫﻞ ﺍﻟﺸﺎﻡ ، ﻭﺍﻟﺸﺎﻓﻌﻲ ﻭﺃﺻﺤﺎﺑﻪ ، ﻭﻋﻦ ﺍﻟﺜﻮﺭﻱ ﺭﻭﺍﻳﺘﺎﻥ ، ﻭﻏﻴﺮ ﻫﺆﻻﺀ ﺧﻠﻖ ﻛﺜﻴﺮ." ﺍﻫـ Pitharo o Imam Al-Hazimi: “Miyakambidabida so Tindg o mga Tao ko Kakonot sii ko sambayang a Sobo (Fajr), na aya pitindgan o kadaklan ko mga tao a Lagid o mga Sahaba ago so mga Tabi’een ago so miyamakatondog kiran a mga ulama ko omani ingd na aya pitindgan iran na pkonot a tao sii ko sambayang a Sobo, sa aya miyapanaothol a mitindg ko kakonot sii ko sambayang a sobo na so Pat a Khalifah a giyanan so Abubakr, go Omar, go Uthman, go Ali, ago Lagid o Ammar Bin Yasir, go Ubay bin ka’b, go Abumoosa Al-ash’ari, go Abdurrahman Bin Abibakr, go Abdullah Bin Abbas, go Abuhurairah, go so Al-Barra Bin Azib, go Anas Bin Malik, go Abuhaleemah Mu’ad Al-ansari, go Khuffaf Bin Ayma Bin Rahdha, go wahiban Bin Saify, go Sahl Bin Sa’id Assa’edi, go Arfajah bin Shuraih Al-ashja’i, go so Mu’awiyah Bin Abi Sufyan, go so Aisha... ago aya miya-aloy a mga Tabi’een a pkonot sii ko sambayang a Sobh na so Sa’eed Bin Al-Musayyab, go Al-Hasan Bin Al- Hasan, go Muhammad Bin Seereen, go Abban Bin Uthamn, go so Qatadah, go Tawoos, go Ubaid Bin Omair, go Arrabee’ Bin Khaytham, go Ayyoob Assakhtiyani, go Ubaida Assalmani, go Arwa Bin Azzubair, go Ziyad bin Uthman, go Abdurrahamn Bin Abilaylah, go Omar Bin Abdul- aziz, go Humaid Attaweel, ago aya mitindgon ko mga Imam na so Abuishaq, go Abubakr Bin Muhammad, go Al-hakam bin Utaybah, go Hammad, go so Imam Malik, go so mga Ulama sa Hijaz, go so Al-Auza’i, go so kadaklan ko mga ulama sa Sham, go so Imam Shafi’i ago so mga ingnpda iyan, ago so Imam Atthauri sii ko ikadowa a Riyawah rka niyan, ago so salalaw kiran a da san ma-aloy ka tanto siran ko madakl a Titindg ko kakonot sii ko Sambayang a Fajr”. Giyanan i katharo o Imam Al-Hazimi. ﻗﺎﻝ ﺍﻹﻣﺎﻡ ﺍﻟﻨﻮﻭﻱ ﻓﻲ ﺷﺮﺡ ﺍﻟﻤﻬﺬﺏ" :ﺍﻟﻘﻨﻮﺕ ﻓﻲ ﺍﻟﺼﺒﺢ ﻣﺬﻫﺒﻨﺎ ﻭﺑﻪ ﻗﺎﻝ ﺃﻛﺜﺮ ﺍﻟﺴﻠﻒ ﻭ ﻣﻦ ﺑﻌﺪﻫﻢ ﺃﻭ ﻛﺜﻴﺮ ﻣﻨﻬﻢ." ﺍﻫـ Pitharo o Imam Nawawi: “So kakonot sii ko sambayang a Sobo na aya mi Titindgan ago aya titndgan o kadaklan ko mga Sahaba ago so mga Tabi’een ago Tabi’uttabi’een, ago aya titindgan o kadaklan ko mga ulama a miyamakatalondog kiran”. Giyanan i katharo o Imam nawawi. So Imam Abuhanifah (imam ko Madhab a hanafi) go so Imam Ahmad (imam ko madhab a Hambali) go so Ibnul-Mubarak, go imam Atthauri na aya Pitindgan iran na Daa Konot sii ko Sambayang a Sobo. Giyanan mambo i Tindg o Abdullah Bin Mas’ood ago so Abdullah Ibn Omar a pd ko mga Sahaba o Nabi (S). MGA DALIL O KAKONOT SII KO SAMBAYANG A SOBH ﻋﻦ ﺃﻧﺲ ﺭﺿﻲ ﺍﻟﻠﻪ ﻋﻨﻪ ﻗﺎﻝ ": ﻣﺎﺯﺍﻝ ﺭﺳﻮﻝ ﺍﻟﻠﻪ ﺻﻠﻲ ﺍﻟﻠﻪ ﻋﻠﻴﻪ ﻭﺳﻠﻢ ﻳﻘﻨﺖ ﻓﻲ ﺻﻼﺓ ﺍﻟﻐﺪﺍﺓ )ﺃﻱ ﺍﻟﻔﺠﺮ( ﺣﺘﻰ ﻓﺎﺭﻕ ﺍﻟﺪﻧﻴﺎ." ﺭﻭﺍﻩ ﺍﻟﺒﻴﻬﻘﻲ Pitharo o Anas (Radhiallahu anhu): “Didn maririntas a kapkonot o Rasoolullah sii ko sambayang a Sobo sa taman dn sa kiyablaga niyan ko Doniya”. Piyanothol o Imam Al-Bayhaqi. ﻋﻦ ﻣﺤﻤﺪ ﻗﺎﻝ" : ﺳﺌﻞ ﺃﻧﺲ ﺃﻗﻨﺖ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻓﻲ ﺍﻟﺼﺒﺢ ؟ ﻗﺎﻝ : ﻧﻌﻢ ﻓﻘﻴﻞ ﻟﻪ : ﺃﻭ ﻗﻨﺖ ﻗﺒﻞ ﺍﻟﺮﻛﻮﻉ ؟ ﻗﺎﻝ ﺑﻌﺪ ﺍﻟﺮﻛﻮﻉ ﻳﺴﻴﺮﺍ ." ﺭﻭﺍﻩ ﺍﻟﺒﺨﺎﺭﻱ Miyakathitayan ko Muhammad, Pitharo iyan: inipakaiza ko Anas o ino ba pkonot so Nabi sii ko sambayang a Sobh? Na aya pitharo o Anas: Oway. Na inipakaizaon pman o Tonai kapkonot iyan sii ko di niyan pn kaproko sa Lb antaaka sii ko oriyan o kapakaroko iyan sa Lb? Na aya Pitharo o Anas: aya kapkonot iyan na sii ko oriyan o kapakaroko iyan sa Lb”. Piyanothol o Bukhari. ﻋﻦ ﺃﻧﺲ ﺭﺿﻲ ﺍﻟﻠﻪ ﻋﻨﻪ، " ﺃﻥ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻗﻨﺖ ﺷﻬﺮﺍ ﻳﺪﻋﻮ ﻋﻠﻰ ﻗﺎﺗﻠﻲ ﺑﺌﺮ ﻣﻌﻮﻧﺔ، ﺛﻢ ﺗﺮﻙ ، ﻓﺄﻣﺎ ﻓﻲ ﺍﻟﺼﺒﺢ ﻓﻠﻢ ﻳﺰﻝ ﻳﻘﻨﺖ ﺣﺘﻰ ﻓﺎﺭﻕ ﺍﻟﺪﻧﻴﺎ ." ﺭﻭﺍﻩ ﺍﻟﺤﺎﻛﻢ ﺑﺈﺳﻨﺎﺩ ﺻﺤﻴﺢ. Miyakathitayan ko Anas (radhiallahu anhu): “Mataan a so Nabi (S) na sii ko sold o miyakasaolan na dii niyan gindowaa sa morka so mga tao a miyamono ko mga Sahaba niyan sii sa Bi’ro Ma’oonah, na oriyan o saulan na inignk iyan uto, na ogaid na sii ko sambayang a Sobo na didn maririntas a kapkonoton o Nabi sa Taman dn sa kiyablaga niyan ko Doniya”. Piyanothol o Hakim. ﻋﻦ ﺃﻧﺲ ﺑﻦ ﻣﺎﻟﻚ ﻗﺎﻝ": ﺻﻠﻴﺖ ﺧﻠﻒ ﺭﺳﻮﻝ ﺍﻟﻠﻪ ﺻﻠﻲ ﺍﻟﻠﻪ ﻋﻠﻴﻪ ﻭﺳﻠﻢ ﻓﻠﻢ ﻳﺰﻝ ﻳﻘﻨﺖ ﻓﻲ ﺻﻼﺓ ﺍﻟﺼﺒﺢ, ﺑﻌﺪ ﺍﻟﺮﻛﻮﻉ, ﺣﺘﻰ ﺗﻮﻓﺎﻩ ﺍﻟﻠﻪ, ﻭﺻﻠﻴﺖ ﺧﻠﻒ ﺃﺑﻲ ﺑﻜﺮ ﺍﻟﺼﺪﻳﻖ, ﻓﻠﻢ ﻳﺰﻝ ﻳﻘﻨﺖ ﻓﻲ ﺻﻼﺓ ﺍﻟﺼﺒﺢ ﺑﻌﺪ ﺍﻟﺮﻛﻮﻉ, ﺣﺘﻰ ﺗﻮﻓﺎﻩ ﺍﻟﻠﻪ, ﻭﺻﻠﻴﺖ ﺧﻠﻒ ﻋﻤﺮ, ﻓﻠﻢ ﻳﺰﻝ ﻳﻘﻨﺖ ﻓﻲ ﺻﻼﺓ ﺍﻟﺼﺒﺢ , ﺑﻌﺪ ﺍﻟﺮﻛﻮﻉ, ﺣﺘﻰ ﺗﻮﻓﺎﻩ ﺍﻟﻠﻪ ." ﺭﻭﺍﻩ ﺍﻟﺒﻴﻬﻘﻲ Miyakathitayan ko Anas Bin Malik, pitharo iyan: “Miyakaunot ako sa sambayang ko Rasoolullah na didn maririntas a kapkonot iyan sii ko sambayang a Sobo sii ko oriyan o Roko sa Lb sa taman dn uto kiyawapat iyan, go miyakaunot ako sa sambayang ko Abubakr na didn maririntas a kapkonot iyan sii ko sambayang a Sobo sii ko oriyan o Roko sa Lb sa taman dn uto kiyawapat iyan, go miyakaunot ak sa sambayang ko Omar na didn maririntas a kapkonot iyan sii ko sambayang a Sobo sii ko oriyan o Roko sa Lb sa taman dn uto kiyawapat iyan”. Piyanothol o Imam Al-Bayhaqi. ﻋﻦ ﺍﻟﺤﺴﻦ, ﻗﺎﻝ" : ﻛﺎﻥ ﺍﻟﻨﺒﻲ ﺻﻠﻲ ﺍﻟﻠﻪ ﻋﻠﻴﻪ ﻭﺳﻠﻢ ﻭﺃﺑﻮ ﺑﻜﺮ , ﻭﻋﻤﺮ, ﻳﻘﻨﺘﻮﻥ ﻓﻲ ﺍﻟﺼﺒﺢ, ﺑﻌﺪ ﺍﻟﺮﻛﻌﺔ, ﺣﺘﻰ ﻛﺎﻥ ﻋﺜﻤﺎﻥ." ﺭﻭﺍﻩ ﺍﻟﺒﻴﻬﻘﻲ Miyakathitayan ko Al-Hasan a Pitharo iyan: “Aya ulaola o Nabi ago so Abubakr ago so Omar na pkonot siran sii ko sambayang a sobo sii ko Last a Raka’at iyan, na taman ko Uthman na pkonot pn sii ko sobh”. Piyanothol o Imam Al-Bayhaqi. ﻋﻦ ﺍﻟﻌﻮﺍﻡ ﺑﻦ ﺣﻤﺰﺓ ﻗﺎﻝ" :ﺳﺄﻟﺖ ﺃﺑﺎ ﻋﺜﻤﺎﻥ ﻋﻦ ﺍﻟﻘﻨﻮﺕ ﻓﻲ ﺍﻟﺼﺒﺢ ؟ ﻓﻘﺎﻝ : ﺑﻌﺪ ﺍﻟﺮﻛﻮﻉ, ﻗﻠﺖ : ﻋﻤﻦ ؟ ﻗﺎﻝ: ﻋﻦ ﺃﺑﻲ ﺑﻜﺮ , ﻭﻋﻤﺮ, ﻭﻋﺜﻤﺎﻥ." ﺭﻭﺍﻩ ﺍﻟﺒﻴﻬﻘﻲ Miyakathitayan ko Al-Awwam Bin Hamza, pitharo iyan: “Inipakaiza akn ko Abu uthman so mipantag ko kakonot sii ko sambayang a Sobo, na aya Pitharo iyan: aya kakonot sii ko sobo na sii ko oriyan o roko sa Lb. Pitharo akn (maana so Al-awwam i gii tharo): anda anan miyakapoon a ulaola a kakonot anan sii ko Sobo? Tigo Abu uthman: Sii ko Abubakr ago Omar ago so Uthman”. Piyanothol o Imam Al-Bayhaqi. ﻋﻦ ﺃﺑﻲ ﺭﺍﻓﻊ" : ﺃﻥ ﻋﻤﺮ ﻛﺎﻥ ﻳﻘﻨﺖ ﻓﻲ ﺻﻼﺓ ﺍﻟﺼﺒﺢ. " ﺭﻭﺍﻩ ﺍﻟﺒﻴﻬﻘﻲ. ﻗﺎﻝ ﺍﻟﺒﻴﻬﻘﻲ" :ﻫﺬﺍ ﻋﻦ ﻋﻤﺮ ﺻﺤﻴﺢ, ﻭﻗﺪ ﺫﻛﺮﻧﺎ ﺷﻮﺍﻫﺪﻩ ﻓﻲ ﻛﺘﺎﺏ ﺍﻟﺴﻨﻦ." ﺍﻫـ Miyakathitayan ko Aburaafi’, Pitharo iyan: “Mataan a so Omar na aya ulaola niyan na pkonot sii ko Sambayang a Sobo”. Piyanothol o Imam Al-Bayhaqi. ﻋﻦ ﺳﻌﻴﺪ ﻗﺎﻝ" :ﻛﺎﻥ ﻋﻤﺮ ﺑﻦ ﺍﻟﺨﻄﺎﺏ ﺭﺿﻮﺍﻥ ﺍﻟﻠﻪ ﻋﻠﻴﻪ ﻳﻘﻨﺖ ﻓﻲ ﺻﻼﺓ ﺍﻟﻔﺠﺮ." ﺃﺧﺮﺟﻪ ﺍﻟﻄﺒﺮﻱ ﻓﻲ ﺗﻬﺬﻳﺐ ﺍﻵﺛﺎﺭ 604 Miyakathitayan ko Sa’eed a Pitharo iyan: “Aya maulaola o Omar Bin Al-Khattab (Radhiallahu anhu) na pkonot sii ko sambayang a Fajr”. Piyanothol o Attabari. ﻋﻦ ﻋﺒﻴﺪ ﺑﻦ ﻋﻤﻴﺮ, ﻋﻦ ﻋﻤﺮ" :ﺃﻧﻪ ﻗﻨﺖ ﻓﻲ ﺍﻟﺼﺒﺢ ." ﺭﻭﺍﻩ ﺍﻟﺒﻴﻬﻘﻲ Pitharo o Ubaid Bin Omair: “Mataan a so Omar na pkonot sii ko Sobo”. Piyanothol o Imam Al- Bayhaqi. ﻋﻦ ﺍﻷﺳﻮﺩ ﻗﺎﻝ : ﺻﻠﻴﺖ ﺧﻠﻒ ﻋﻤﺮ ﻓﻲ ﺍﻟﺤﻀﺮ ﻭﺍﻟﺴﻔﺮ ﻓﻤﺎ ﻛﺎﻥ ﻳﻘﻨﺖ ﺇﻻ ﻓﻲ ﺻﻼﺓ ﺍﻟﻔﺠﺮ ." ﺃﺧﺮﺟﻪ ﺍﻟﺒﻐﻮﻱ ﻓﻲ ﻣﺴﻨﺪ ﺍﺑﻦ ﺍﻟﺠﻌﺪ Miyakathitayan ko Al-Aswad, Pithato iyan: “Miyakaunot ako sa sambayang ko Omar a masa a knaba ko matatago sa Lakawan ago sii ko masa a matatago ako sa Lakawan na aya bo a kapkonot iyan na sii ko sambayang a Fajr”. ﻋﻦ ﺳﻮﻳﺪ ﺑﻦ ﻏﻔﻠﺔ ﻗﺎﻝ" :ﺻﻠﻴﺖ ﺧﻠﻒ ﻋﻤﺮ ﺑﻦ ﺍﻟﺨﻄﺎﺏ ﺍﻟﻔﺠﺮ ﻓﻘﻨﺖ." Miyakathitayan ko Suwaid Bin Gaflah, a pitharo iyan: “Miyakaunot ako sa sambayang ko Omar a wakto a Sobo na pkonot”. ﻋﻦ ﻫﺸﻴﻢ ﻗﺎﻝ ﺃﺧﺒﺮﻧﺎ ﺣﺼﻴﻦ ﻗﺎﻝ : ﺻﻠﻴﺖ ﺍﻟﻐﺪﺍﺓ ﺫﺍﺕ ﻳﻮﻡ ﻭﺻﻠﻰ ﺧﻠﻔﻲ ﻋﺜﻤﺎﻥ ﺑﻦ ﺯﻳﺎﺩ ، ﻗﺎﻝ : ﻓﻘﻨﺖ ﻓﻲ ﺻﻼﺓ ﺍﻟﺼﺒﺢ ﻗﺎﻝ : ﻓﻠﻤﺎ ﻗﻀﻴﺖ ﺻﻼﺗﻲ ﻗﺎﻝ ﻟﻲ : ﻣﺎ ﻗﻠﺖ ﻓﻲ ﻗﻨﻮﺗﻚ ؟ ﻓﻘﻠﺖ : ﺫﻛﺮﺕ ﻫﺆﻻﺀ ﺍﻟﻜﻠﻤﺎﺕ : ﺍﻟﻠﻬﻢ ﺇﻧﺎ ﻧﺴﺘﻌﻴﻨﻚ ﻭﻧﺴﺘﻐﻔﺮﻙ ﻭﻧﺜﻨﻲ ﻋﻠﻴﻚ ﺍﻟﺨﻴﺮ ﻭﻻ ﻧﻜﻔﺮﻙ ، ﻭﻧﺨﻠﻊ ﻭﻧﺘﺮﻙ ﻣﻦ ﻳﻔﺠﺮﻙ ، ﺍﻟﻠﻬﻢ ﺇﻳﺎﻙ ﻧﻌﺒﺪ ﻭﻟﻚ ﻧﺼﻠﻲ ﻭﻧﺴﺠﺪ ، ﻭﺇﻟﻴﻚ ﻧﺴﻌﻰ ﻭﻧﺤﻔﺪ ، ﻭﻧﺮﺟﻮ ﺭﺣﻤﺘﻚ ﻭﻧﺨﺸﻰ ﻋﺬﺍﺑﻚ ، ﺇﻥ ﻋﺬﺍﺑﻚ ﺑﺎﻟﻜﺎﻓﺮﻳﻦ ﻣﻠﺤﻖ ، ﻗﺎﻝ : ﻗﺎﻝ ﻟﻲ ﻋﺜﻤﺎﻥ : ﻛﺬﺍ ﻛﺎﻥ ﻳﺼﻨﻊ ﻋﻤﺮ ﺑﻦ ﺍﻟﺨﻄﺎﺏ ﻭﻋﺜﻤﺎﻥ ﺑﻦ ﻋﻔﺎﻥ. ﺃﺧﺮﺟﻪ ﺍﺑﻦ ﺃﺑﻲ ﺷﻴﺒﺔ ﻓﻲ ﻣﺼﻨﻔﻪ. Pitharo o Hushaim: “Piyanotholan kami o Haseen, Pitharo iyan: Miyakaisa a gawii na misambayang ako sa Sobo na miyonot rakn sa sambayang so Uthman Bin Ziyad, na Komiyonot ako sii ko sambayang a Sobo, na sii ko kiyapakapasad akn sambayang na aya Pitharo rakn o Uthman Bin Ziyad: Tonaa giyoto a inindowaa nga sii ko kiyakonot ka? Na inaloy aknon a aya inindowaa akn na giyai a mga Kalimat: Allaahumma innaa nasta’eenoka... (taman sa kaposan iyan). na oriyan uto na aya Pitharo rakn o Uthman Bin Ziyad: Giyanan dn i psowaan o Omar Bin Al-Khattab ago so Uthman Bin Affan a pkonot siran mambo sii ko sambayang a Sobo”. ﻋﻦ ﺟﻌﻔﺮ ﺑﻦ ﻣﺤﻤﺪ ﻋﻦ ﺃﺑﻴﻪ ": ﺃﻥ ﻋﻠﻴﺎ ﻛﺎﻥ ﻳﻘﻨﺖ ﻓﻲ ﺍﻟﺼﺒﺢ ﺑﻌﺪ ﺍﻟﺮﻛﻌﺔ ﺍﻷﺧﻴﺮﺓ. Miyakathitayan ko Ja’far Bin Muhammad a Pitharo i Ama iyan: “Mataan a so Ali Bin Abitalib na pkonot sii ko Sobo sii ko Last a Raka’at iyan”. ﻋﻦ ﻋﺒﺪ ﺍﻟﺮﺣﻤﻦ ﺑﻦ ﺃﺑﻲ ﻟﻴﻠﻲ" : ﺃﻥ ﻋﻠﻴﺎ ﻗﻨﺖ ﻓﻲ ﺍﻟﻔﺠﺮ, ﺑﻌﺪ ﺍﻟﺮﻛﻮﻉ ." Miyakathitayan ko Abdurrahman Bin Abilailah, pitharo iyan: “Mataan a so Ali na pkonot sii ko sambayang a Fajr sii ko oriyan o kapakaroko iyan sa Lb”. Aya Last a Dalil na Qaidah: ﺍﻹﺛﺒﺎﺕ ﻣﻘﺪﻡ ﻋﻠﻰ ﺍﻟﻨﻔﻲ Maana: So Dalil a makatotoro sa “Ithbat” na aya khakowa adiso Dalil a makatotoro sa “Nafyi”. Aya ibarat o dalil a makatotoro sa ithbat na datar o Hadith a aya mitotoro iyan na Pkonot so Nabi ago so mga Sahaba niyan sii ko sambayang a Fajr, na giyanan i pmbtowan sa Dalil a ithbat ka sabap sa tiyanto niyan a so Kakonot sii ko Fajr na ulaola o Nabi ago so mga Sahaba niyan. Na aya ibarat mambo o dalil a makatotoro sa Nafyi na datar o mambo o Hadith a aya mitotoro iyan na knaba pkonot so Nabi ago so mga Sahaba sii ko Fajr na aya sabap a kiyabthowi ron sa Nafyi na kay sabap sa piyakada iyan so Kakonot ko sambayang a fajr. Na aya kiyaopakatan ko mga ulama na basta a makaphantag so Dalil a Makatotoro sa Ithbat ago so Dalil a makatotoro sa Nafyi na aya khakowa na so Dalil a Ithbat ago aya maphakauna adiso Dalil a Nafyi. KATAYA SO MAKALLBI A DOWAA SII KO MASA A KAKONOT ﺃﻟﻠﻬﻢ ﺍﻫﺪﻧﺎ ﻓﻴﻤﻦ ﻫﺪﻳﺖ، ﻭﻋﺎﻓﻨﺎ ﻓﻴﻤﻦ ﻋﺎﻓﻴﺖ، ﻭﺗﻮﻟﻨﺎ ﻓﻴﻤﻦ ﺗﻮﻟﻴﺖ، ﻭﺑﺎﺭﻙ ﻟﻨﺎ ﻓﻴﻤﺎ ﺃﻋﻄﻴﺖ، ﻭﻗﻨﺎ ﺷﺮ ﻣﺎ ﻗﻀﻴﺖ، ﻓﺈﻧﻚ ﺗﻘﻀﻲ ﻭﻻ ﻳﻘﻀﻰ ﻋﻠﻴﻚ، ﻭﺇﻧﻪ ﻻ ﻳﺬﻝ ﻣﻦ ﻭﺍﻟﻴﺖ، ﻭﻻ ﻳﻌﺰ ﻣﻦ ﻋﺎﺩﻳﺖ ، ﺗﺒﺎﺭﻛﺖ ﺭﺑﻨﺎ ﻭﺗﻌﺎﻟﻴﺖ ﻓﻠﻚ ﺍﻟﺤﻤﺪ ﻋﻠﻰ ﻣﺎ ﻗﻀﻴﺖ ، ﻧﺴﺘﻐﻔﺮﻙ ﻭ ﻧﺘﻮﺏ ﺇﻟﻴﻚ ، ﻭﺻﻠﻰ ﺍﻟﻠﻪ ﻋﻠﻰ ﺳﻴﺪﻧﺎ ﻣﺤﻤﺪ ﻭ ﻋﻠﻰ ﺁﻟﻪ ﻭ ﺻﺤﺒﻪ ﻭ ﺳﻠﻢ Allahumma-hdina feeman Hadayt, Wa Aafina feeman Aafayt, wa tawallana feeman tawallayt, wa barik lanaa feema A’tayt, wa qina Sharrama Qadhayt, Fa innaka Taqdhi walaa Yuqdha Alayk, wa innahu Laa yadhillu man waa layt, wa laa ya’izzu man Aadayt, Tabarakta rabbana wa ta’aalayt, Fa Lakal Hamdu Ala Maa Qadhayt, Nasta-ghfiruka wa natoobu ilayk, Wa sal lallahu ala sayyidina Muhammad, wa ala Aalihi wa Sah- bihi wa sallam Note: Aya sunnah a sowa-an ka sa kakonot ka na thapnay ka sa imbayaw nga so mbala a lima nga na giyanan i mbatiyaan ka a giyanan a dowaa sa Konot, na makapasad ka Komonot na khapakay a isapo nga so mbala a palada Lima nga sa Paras ka, na ogaid na aya Makallbi na di nga dn zapoon sa paras ka sa aya sowaan ka na Diritso kadn a Sojod. ago aya pd a kailangan a kasabotan ka na Di khapakay iba nga saogi so Kapkonot ka sa pd a basa! dapat na basa Arabic bo a pkilapal o dila aka a dowaa sii ko sold o sambayang, ka pon ka saogi so sambayang ka salakaw ko basa arabic ka aya kiyakonot kana basa a mranao na sabnar a Miyabatal so Sambayang ka!. BA PHAKATANOGA SO KAKONOT ANTAAKA MASOLN? So Imam a konot sii ko sambayang a Fajr odi na sii ko witr ko kalooki ko ramadan na mapakatanog iyan a kapkonot iyan, sa mlagid o aya pisambayangan iyan na sambayang a matanogon so batiya odi na sambayang a masolnon so batiya na aya dn a okit iyan na maphakatanog iyan so kapkonot iyan ka para pkhan’g o mga Ma’mom iyan ka para iran pkha- amin. ﻗﺎﻝ ﺍﻟﺸﺒﺮﺍﻣﻠﺴﻲ : ﻭﺇﻧﻤﺎ ﻃﻠﺐ ﻣﻦ ﺍﻹﻣﺎﻡ ﺍﻟﺠﻬﺮ ﺑﺎﻟﻘﻨﻮﺕ ﻓﻲ ﺍﻟﺴﺮﻳﺔ ، ﻣﻊ ﺃﻧﻬﺎ ﻟﻴﺴﺖ ﻣﺤﻼ ﻟﻠﺠﻬﺮ ، ﻷﻥ ﺍﻟﻤﻘﺼﻮﺩ ﻣﻦ ﺍﻟﻘﻨﻮﺕ ﺍﻟﺪﻋﺎﺀ ، ﻭﺗﺄﻣﻴﻦ ﺍﻟﻘﻮﻡ ﻋﻠﻴﻪ ، ﻓﻄﻠﺐ ﺍﻟﺠﻬﺮ ﻟﻴﺴﻤﻌﻮﺍ ﻓﻴﺆﻣﻨﻮﺍ. ﺍﻫـ. Pitharo o Imam Al-Shabramalsi: “Aya Sabap a kaphakatanoga o Imam ko kakonot iyan sii ko sambayang a masolnon so batiya abadi so sambayang a masolnon so batiya na knabaon phakatanoga so batiya na aya sabap a kaphakatanoga niyan ko kakhonot iyanon na sabap sa aya Antap ko kakonot na Kandowaa ago para pkha-amin o mga ma’mom, na giyoto i sabap a kaphakatanoga niyan ko konot iyan ka para pkhan’g o mga ma’mom”. Giyanan i katharo o Imam Al-Shabramalsi Sii anan panonompang ko Imam, na so mipantag ko gii zambayang a tarambisa (infiradi) na aya Sunnah na misoln iyan a kapkonot iyan sii ko Langowan a Sambayang . ﻭﺻﻠﻰ ﺍﻟﻠﻪ ﻋﻠﻰ ﺳﻴﺪﻧﺎ ﻣﺤﻤﺪ ﻛﻤﺎ ﺫﻛﺮﻩ ﺍﻟﺬﺍﻛﺮﻭﻥ ﻭ ﻏﻔﻞ ﻋﻦ ﺫﻛﺮﻩ ﺍﻟﻐﺎﻓﻠﻮﻥ

DHIKR MAPASAD SO SAMBAYANG

DHIKR MAPASAD SO SAMBAYANG Sunnah a mabales o Muslim mapasad so sambayang a Fardh Salah ﺃﺳﺘﻐﻔﺮ ﺍﻟﻠﻪ Astaghfirullaah (3×) “Phangniya ko sa rila Ya Allah” (3x) ﺍﻟﻠﻬﻢ ﺃﻧﺖ ﺍﻟﺴﻼﻡ ﻭﻣﻨﻚ ﺍﻟﺴﻼﻡ ﺗﺒﺎﺭﻛﺖ ﻳﺎ ﺫﺍ ﺍﻟﺠﻼﻝ ﻭﺍﻹﻛﺮﺍﻡ Allahumma antas salamu wa minkas salam. Tabarakta Ya Dhal Jalali wal Ikram “Ya Allah na Ska so salam, phamgay ko kalilintad go kadaa rayorayo a ginawa sii Reka phoon so kalilintad miyasotisoti Ka hay Khirk ko Kala go Sla- sla” ﻻ ﺇﻟﻪ ﺇﻻ ﺍﻟﻠﻪ ﻭﺣﺪﻩ ﻻ ﺷﺮﻳﻚ ﻟﻪ، ﻟﻪ ﺍﻟﻤﻠﻚ ﻭﻟﻪ ﺍﻟﺤﻤﺪ ﻭﻫﻮ ﻋﻠﻰ ﻛﻞ ﺷﻲ ﺀ ﻗﺪﻳﺮ Laa ilaaha illallahu wahdahu laa sharikalah, lahul mulku wa lahul hamdu wa huwa ‘alaa kulli shay-in qadir. “Da-a Tohan inonta bo so Allah, isa-isa Sekaniyan, da-a sakotowa Iyan, Rek Iyan so kadato go rek Iyan so podi, Pephangoyag ago Pephangimatay go Sekaniyan na khagaga Niyan so langono taman” ﺍﻟﻠﻬﻢ ﻻ ﻣﺎﻧﻊ ﻟﻤﺎ ﺃﻋﻄﻴﺖ, ﻭﻻ ﻣﻌﻄﻲ ﻟﻤﺎ ﻣﻨﻌﺖ, ﻭﻻ ﻳﻨﻔﻊ ﺫﺍ ﺍﻟﺠﺪ ﻣﻨﻚ ﺍﻟﺠﺪ Allahumma laa mani’a limaa a’tayta, wa laa mu’tiya limaa mana’ta, wa laa yanfa’u dhal jaddi minkal jad. “Ya Allah, da phakaren ko inibegay Ngka go dadn phakabegay ko inirenek Ka go di phakanggay a gona ko kawasa ko kakawasa niyan go kadato iyan sii Reka” ﻻ ﺇﻟﻪ ﺇﻻ ﺍﻟﻠﻪ ﻭﺣﺪﻩ ﻻ ﺷﺮﻳﻚ ﻟﻪ. ﻟﻪ ﺍﻟﻤﻠﻚ ﻭﻟﻪ ﺍﻟﺤﻤﺪ, ﻭﻫﻮ ﻋﻠﻰ ﻛﻞ ﺷﻲ ﺀ ﻗﺪﻳﺮ. ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ. ﻻ ﺇﻟﻪ ﺇﻻ ﺍﻟﻠﻪ, ﻭﻻ ﻧﻌﺒﺪ ﺇﻻ ﺇﻳﺎﻩ. ﻟﻪ ﺍﻟﻨﻌﻤﺔ ﻭﻟﻪ ﺍﻟﻔﻀﻞ ﻭﻟﻪ ﺍﻟﺜﻨﺎﺀ ﺍﻟﺤﺴﻦ. ﻻ ﺇﻟﻪ ﺇﻻ ﺍﻟﻠﻪ , ﻣﺨﻠﺼﻴﻦ ﻟﻪ ﺍﻟﺪﻳﻦ ﻭﻟﻮ ﻛﺮﻩ ﺍﻟﻜﺎﻓﺮﻭﻥ Laa ilaaha illallahu wahdahu laa sharikalah, lahul mulku wa lahul hamdu wa huwa ‘ala kulli shay-in qadir. Laa hawla wa laa quwwata illaa billah. La ilaha illallahu, wa la na’budu illa iyah. lahun ni’matu wa lahul fadlu wa lahuth thanaa-ul hasan. La ilaha illallahu, mukhliseena lahud deena wa law karihal kaafirun. “Da-a Tohan inonta bo so Allah, isa-isa Sekaniyan, da-a sakotowa Iyan, Rek Iyan so kadato go rek Iyan so podi, Pephangoyag ago Pephangimatay go Sekaniyan na khagaga Niyan so langono taman. Da-a phakaola-ola, da-a nager inonta bo misabap ko Allah, daden a psowasowaten a sa romowar Reka Ya Allah, go da-a simbaan a saromowar Rekaniyan a Allah, a Rekiyan so limo, Rekiyan so kalbihan, Rekiyan so bantogan, ago so manga pipiya daden a psowasowaten saromowar Reka Ya Allah, a mbabayorantang siran ko agama o Allah bapiya kagowad o manga kapir.” Mbatiyaan mapasad so Salah a Fajr ago Salah a Maghrib sa sapolo ped so miya-ona ﻻ ﺇﻟﻪ ﺇﻻ ﺍﻟﻠﻪ ﻭﺣﺪﻩ ﻻ ﺷﺮﻳﻚ ﻟﻪ، ﻟﻪ ﺍﻟﻤﻠﻚ ﻭﻟﻪ ﺍﻟﺤﻤﺪ ﻭﻫﻮ ﻋﻠﻰ ﻛﻞ ﺷﻲ ﺀ ﻗﺪﻳﺮ LAA ILAAHA ILLALLAHU WAHDAHU LAA SHARIKALAH, LAHUL MULKU WA LAHUL HAMDU WA HUWA ‘ALAA KULLI SHAY-IN QADIR “Da-a Tohan inonta bo so Allah, isa-isa Sekaniyan, da-a sakotowa Iyan, Rek Iyan so kadato go rek Iyan so podi, Pephangoyag ago Pephangimatay go Sekaniyan na khagaga Niyan so langono taman” (ﺳﺒﺤﺎﻥ ﺍﻟﻠﻪ) SUBHANALLAH (33x) “Soti so Allah” (ﺍﻟﺤﻤﺪ ﻟﻠﻪ) ALHAMDULILLAH (33x) “So podi na rk o Allah” (ﺍﻟﻠﻪ ﺃﻛﺒﺮ) ALLAHU AKBAR (33X) “So Allah na Mala” Oriyaniyan na ingganap ko ika-magastos so: ﻻ ﺇﻟﻪ ﺇﻻ ﺍﻟﻠﻪ ﻭﺣﺪﻩ ﻻ ﺷﺮﻳﻚ ﻟﻪ، ﻟﻪ ﺍﻟﻤﻠﻚ ﻭﻟﻪ ﺍﻟﺤﻤﺪ ﻭﻫﻮ ﻋﻠﻰ ﻛﻞ ﺷﻲ ﺀ ﻗﺪﻳﺮ LAA ILAAHA ILLALLAHU WAHDAHU LAA SHARIKALAH, LAHUL MULKU WA LAHUL HAMDU WA HUWA ‘ALAA KULLI SHAY-IN QADIR “Da-a Tohan inonta bo so Allah, isa-isa Sekaniyan, da-a sakotowa Iyan, Rek Iyan so kadato go rek Iyan so podi, Pephangoyag ago Pephangimatay go Sekaniyan na khagaga Niyan so langono taman” Ayatul Kursi: ﺍﻟﻠﻪ ﻻ ﺇﻟـﻪ ﺇﻻ ﻫﻮ ﺍﻟﺤﻲ ﺍﻟﻘﻴﻮﻡ ﻻ ﺗﺄﺧﺬﻩ ﺳﻨﺔ ﻭﻻ ﻧﻮﻡ ﻟﻪ ﻣﺎ ﻓﻲ ﺍﻟﺴﻤﺎﻭﺍﺕ ﻭﻣﺎ ﻓﻲ ﺍﻷﺭﺽ ﻣﻦ ﺫﺍ ﺍﻟﺬﻱ ﻳﺸﻔﻊ ﻋﻨﺪﻩ ﺇﻻ ﺑﺈﺫﻧﻪ ﻳﻌﻠﻢ ﻣﺎ ﺑﻴﻦ ﺃﻳﺪﻳﻬﻢ ﻭﻣﺎ ﺧﻠﻔﻬﻢ ﻭﻻ ﻳﺤﻴﻄﻮﻥ ﺑﺸﻲﺀ ﻣﻦ ﻋﻠﻤﻪ ﺇﻻ ﺑﻤﺎ ﺷﺎﺀ ﻭﺳﻊ ﻛﺮﺳﻴﻪ ﺍﻟﺴﻤﺎﻭﺍﺕ ﻭﺍﻷﺭﺽ ﻭﻻ ﻳﺆﻭﺩﻩ ﺣﻔﻈﻬﻤﺎ ﻭﻫﻮ ﺍﻟﻌﻠﻲ ﺍﻟﻌﻈﻴﻢ “Al-lâ-hu lã i-lâ-ha il-lâ hu-wal hay-yul qay-yûm. Lâ ta`khu-dhu-hû, si-na-tow wa lâ naw-m. La-hû, mâ- fis sa-mâ-wâ-ti wa mâ fil-ardh. Man(g) dhal-la-dhî yash-fa-`u `in-da-hû, il-lâ-be idh-nih. Ya-`la-mu mâ bay-na ay-di-him wa mâ khal-fa-hum. Wa lâ yu-hî- tû-na bi-shay-im min `il-mi-hî, il-lâ bi-mâ shã. Wa si-`a kur-sî-yu-hus sa-mâ-wâ-ti wal-ardh. Wa lâ ya- u-du-hû, hif-dzu-hu-mâ wa hu-wal `a-lî-yul `a- dzeem.” “So Allah! Da a patot a pzoasoatn a inonta Skaniyan, - a Oyagoyag, a Thatandingan; di khatalingomaan a toratod, go torog. Rk Iyan so zisii ko manga langit ago so zisii ko lopa. Ba adn a taw a makaphanapaat sa hadapan Iyan inonta a sabap sa idin Iyan? Katawan Iyan so nganin a khabolosan iran go so nganin a kiya iposan iran. Na da a zzzbn iran a mayto bo ko katao Niyan inonta bo ko nganin a kabaya Iyan. Miyarangkom o korsi Iyan so manga langit ago so lopa, go di Ron khipnd so siyap Iyan sa dowa oto, go Skaniyan so Maporo, a Lbi-a-mala.” [2:255] Suratul Ikhlas: * ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ * ﻗﻞ ﻫﻮ ﺍﻟﻠﻪ ﺃﺣﺪ )1( ﺍﻟﻠﻪ ﺍﻟﺼﻤﺪ )2( ﻟﻢ ﻳﻠﺪ ﻭﻟﻢ ﻳﻮﻟﺪ )3( ﻭﻟﻢ ﻳﻜﻦ ﻟﻪ ﻛﻔﻮﺍ ﺃﺣﺪ )4 ) *Bismillahir Rahmanir Rahim* (1) Qul huwa Allahu ahad (2) Allahus-samad (3) Lam yalid walam yulad (4) Walam yakun lahu kufuwan ahad “Tharoang ka: Skaniyan so Allah, a Isaysa! (1) So Allah a pphangangaronganan! (2) Da mbawata, go da mbawataan, (3) Go da a miyaadn a saginda Niyan a isa bo. (4)” Suratul Falaq: * ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ * ﻗﻞ ﺃﻋﻮﺫ ﺑﺮﺏ ﺍﻟﻔﻠﻖ )1( ﻣﻦ ﺷﺮ ﻣﺎ ﺧﻠﻖ )2( ﻭﻣﻦ ﺷﺮ ﻏﺎﺳﻖ ﺇﺫﺍ ﻭﻗﺐ )3( ﻭﻣﻦ ﺷﺮ ﺍﻟﻨﻔﺎﺛﺎﺕ ﻓﻲ ﺍﻟﻌﻘﺪ )4( ﻭﻣﻦ ﺷﺮ ﺣﺎﺳﺪ ﺇﺫﺍ ﺣﺴﺪ )5 ) *Bismillahir ramanir rahim* (1) Qul audhu bi rabbil falaq (2) Min sharri ma khalaq (3) Wa min'sharri ghasiqin idha waqab (4) Wa min'sharrin naffa thati fil u'qad (5) Wa min'sharri hasidin idha hasad. “Tharoang ka a: Mlindong ako ko Kadnan o khapita, (1) Phoon ko karataan o nganin a inadn Iyan, (2) Go so karataan o gagawii igira a miyakalibotng, (3) Go so karataan o pphamangiyop ko manga palot, (4) Go so karataan o makasiig igira a miyaniig. (5)” Suratun Naas: * ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ * ﻗﻞ ﺃﻋﻮﺫ ﺑﺮﺏ ﺍﻟﻨﺎﺱ )1( ﻣﻠﻚ ﺍﻟﻨﺎﺱ )2( ﺇﻟﻪ ﺍﻟﻨﺎﺱ )3( ﻣﻦ ﺷﺮ ﺍﻟﻮﺳﻮﺍﺱ ﺍﻟﺨﻨﺎﺱ )4( ﺍﻟﺬﻱ ﻳﻮﺳﻮﺱ ﻓﻲ ﺻﺪﻭﺭ ﺍﻟﻨﺎﺱ )5( ﻣﻦ ﺍﻟﺠﻨﺔ ﻭﺍﻟﻨﺎﺱ )6 ) *Bismillaah ar-Rahman ar-Rahim* (1) Qul a'uudhi bi rabbin naas. (2) Malikin naas. (3) Ilaahin naas. (4) Min sharril wawaasil khannas. (5) Alladhee yuwaswisu fee suduurin naas. (6) Minal Jinnati wa naas. “Tharoang ka a: Mlindong ako ko Kadnan o manga manosiya, (1) A Phapaar ko manga manosiya, (2) A Tohan o manga manosiya, (3) Phoon ko karataan o pphangonsi, a pphanoosook, (4) So pphangonsi ko manga rarb o manga manosiya, (5) A pd ko manga jinn, ago so manga manosiya (6)” So Suratul Ikhlas, Suratul Falaq ago Suratun Naas na makatelo mabatiya sa Salatul Fajr ago Maghrib. Maka-isa sa Salatul Dhuhr, ‘Asr ago ‘Isha.

AQEEDA O MUSLIM

MAKMPT A OSAYAN KO KAIIPORTANTE O 'AQEEDAH "panarima" SII KO MUSLIM ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ Inishaan si Shaikh Salih ibn Fawzan "Hafidhahullah" ( isa ko mga Ala a Ulama o Ahlussunnah ) ... Pakaisha: Adn a mga tao a dii ran tatagoon sa ginawa so 'Aqeedah, go aya tindg yan na kiyasokodan dn PARATIYAYA "so Kababaloy a Muslim", badi maparo a mapagosay niyo rkami so kaiiportante o 'Aqeedah? go antonaa i khinggay niyan a gona ko manosiya sii ko kawyagoyag yan go sii ko kiphapantagn yan sa ginawa niyan go so kaphagingd go so kiphapantagn yan ko lagid yan a mga Muslim? S'mbag: Mataan a so kapakawntola ko 'Aqeedah "panarima" na gyoto i paka Asal "ko Agama" kagiya a so kashaksii sa mataan a daa patot a simban a salakaw ko Allah go mataan a so Muhammad na sugo o Allah na ay paganay a Rokon "pola-os" o Agama, go so mga Rasul na aya dn a pagampaganay a ip'phanoloniran ko mga pgatawiran na so kapaka ontola ko 'Aqeedah, anon maka phashod so langowan a Amal mlagid o simba go so mga sakro kabintng o manosiya, na so di kapaka ontol o 'Aqeedah na daa bali o mga Amal. ﻗﺎﻝ ﺗﻌﺎﻟﻰ} :ﻭﻟﻮ ﺃﺷﺮﻛﻮﺍ ﻟﺤﺒﻂ ﻋﻨﻬﻢ ﻣﺎ ﻛﺎﻧﻮﺍ ﻳﻌﻤﻠﻮﻥ{ ]ﺍﻷﻧﻌﺎﻡ88 :[؛ ﺃﻱ: ﻟﺒﻄﻠﺖ ﺃﻋﻤﺎﻟﻬﻢ . Pitharo o Allah : [ go mataan a o panakoto siran na mataan a maantiyor so nganin a miyapagamaliran ] Soratol An'am, 88 ﻭﻗﺎﻝ ﺳﺒﺤﺎﻧﻪ ﻭﺗﻌﺎﻟﻰ} :ﺇﻧﻪ ﻣﻦ ﻳﺸﺮﻙ ﺑﺎﻟﻠﻪ ﻓﻘﺪ ﺣﺮﻡ ﺍﻟﻠﻪ ﻋﻠﻴﻪ ﺍﻟﺠﻨﺔ ﻭﻣﺄﻭﺍﻩ ﺍﻟﻨﺎﺭ ﻭﻣﺎ ﻟﻠﻈﺎﻟﻤﻴﻦ ﻣﻦ ﺃﻧﺼﺎﺭ{ ]ﺍﻟﻤﺎﺋﺪﺓ [72 : Go pitharo iyan pn : [ mataan a sa tao a ipanakoto niyan so Allah na sabnar a miyaharamon so Sorga, go aya khalombokan yan na so Naraka, go dadn man a tinabanga o mga tao a mga salimbot ] Soratol Ma-idah, 72 Aya shabotn sangkai a mga Dalil na tanto dn a iportante so kapak ontol o 'Aqeedah "panarima", go skaniyan i pinaka taralbi ko mga iportante ko Da'wah, go paganay a iphanolon "da'awh" na so kapaka ontol o 'Aqeedah, ka sabnar a so Nabi "saw" na miyatatap sa Makkah ko kiya baloy niyan a Nabi sa miyaka 13 years, a ayabo a galbk yan na so kipanolon'n ko ontol a panarima, go so kapakaisaisa a ko Allah, na dawn dn misugo so mga galbk a paralo inonta bo na sii ko kiyapaka togalin yan sa Madinah inonta bo na So sambayang ka ini sugoon dn sa Makkaah, mga pd anan a Dalil sa kaiiportante o 'Aqeedah a diso mag Amal "kagiya daa bali o Amal o binasa so 'Aqeeda" So pman so Tao a aya tindg yan na kiyasokodan so PARATIYAYA "kababaloya a Muslim" sa didn thagoon sa ginawa so 'Aqeedah na binasa anan a tindg, kagiya so Paratiyaya na di khabthowan sa Paratiyaya inonta bo na maka ontol so 'Aqeedah "panarima" na odi maka ontol so 'Aqeedah na daa Paratiyaya na go da a Agama.

ANTUNAI KAPANAKOTO SIKO ALLAH

ANTONAA I PHMBTHOWAN SA KAPANAKOTO " SHERK" NAGO PIRA I CLASSINYAN GO ANTONAI KARATAIYAN? SMBAG: 1- aya kapanakoto mga pagarikolay naso kakowa sa salakaw ko allah sa sakotowa odi na tompoka... 2- so kapanakoto na 2 classy : __kapanakoto a mala: gyanan so opama konggolaolaa o muslem na myakaliyoskanyan dn ko islam. na dowapman anan kaclassy: -- so kibgan ka ko salakaw ko allah so siibo mapapatot ko allah a mga simba.. lagid opma o kasombali sa soasoat ko mga tonong odi na shaitan, so kasojodi ko salakaw ko allah a diingka zoasoatn, pamangika ibarat sa tabang na siika dii pamangni sa tabang ko rasolollah saw' odi naso mga malaikat odi naso mga shaitan.. goso mga pd a mga simba a dapt na siibo oto mapapatot ko allah na pyaki khabnarka ko salakawron. -- so kibganka ko salakaw ko allah ko mga galbk a sobo so allah i khikabnaron, lagid o galbk o mga shia sa diiranon katharoa sa so mga imamiran na siran i diinggiragiray ko phkhaolaola ko lyawaw o lopa.. siran i komakamal ko rezki. gosomambo so mga SUFIY sa diiranon katharoa sa so mga SHAIKHIRAN na siran i diinggiragiray ko donya nago siran i dii mririla sa dusa. __ so kapanakoto a maito: gyanan so kapanakoto a igira a myanggalbk o muslem na da makaliyo ko islam ogaid na ophoon malalayon na iphakalyonyan ko islam. aya ibarat anan naso : kazapa sa salakaw ko allah... goso kapaki ilailain ago kapakinugnugn. 3- aya karata o kapanakoton na sadn sa kapantagan a kapatay a pananakoto na didn prilaan o allah skanyan.{ ﺇﻥ ﺍﻟﻠﻪ ﻻﻳﻐﻔﺮ ﺃﻥ ﻳﺸﺮﻙ ﺑﻪ ﻭ ﻳﻐﻔﺮ ﻣﺎ ﺩﻭﻥ ﺫﻟﻚ ﻟﻤﻦ ﻳﺸﺎﺀ } Maana: mataan a so allah na dinyan iprila so kipanakotonon nago ipirilaiyan so nganin a salakawsan siiko taw a kabayaiyan. ikadwa na na sadn sa taw a manakoto na pagilangnon o allah so langon a myanggalbkyan a mapya, pitharo o allah : { ﻹﻥ ﺃﺷﺮﻛﺖ ﻟﻴﺤﺒﻄﻦ ﻋﻤﻠﻚ ﻭﻟﺘﻜﻮﻧﻨﺎ ﻣﻦ ﺍﻟﺨﺎﺳﺮﻳﻦ } Maana: ya muhammad na opama ko panakotoka na mantiyorman so mga galabk ka nago mabaloykadn a pd ko myanga lalapis.

Antona e showaan o Imaam ko Masjid Igira miyakambaratmowa so Eid ago so Jumu’ah (Friday)? Pakaiza:

Antona e showaan o Imaam ko Masjid Igira miyakambaratmowa so Eid ago so Jumu’ah (Friday)? Pakaiza: Antonay kokoman igira a miyakambaratmowa so Eid ago so Jumuah? Ba phekada so Jumuah? Antonaa e Showaan o Imaam ko Masjid? Sembag: So mga Hanafiyyah, Maalikiyyah, Shaafi’iyyah ago Sabaad ko mga Hanaabilah na miyataayon siran a so Imaam na Waajib a makapangutbah ago makaphesambayang sekaniyan den sa Jumu’ah bapiya pen kiyashambayangan den sa Eidul Fitr odi na Eidul Adha sii ko kapita iyan sabap sa daden a Hadith a khatoon oba so Nabi sallallaho ‘alayhi wa sallam na ba sekaniyan lumipas shambayang sa Jumuah makimpen miyakambaratmowa so Eid ago so Jumuah Aya daleel iyan na so Hadith o Nu'man bin Basher. (RadhiAllaho 'anho) a kha-aloy bo ago bapiya pen so Ipen-daleel o mga Hanaabilah a Hadith o Zaid bin Arqaam, Abu Hurayrah, Abdullah bin ‘Abbas, ‘Abdullah bin ‘Umar na langon ron miyaaloy a igira a miyakambaratmowa so ‘Eid ago Jumuah na di tharoon o Nabi Sallallaho alayhi wa sallam ko mga Sahabah nyan: وَإِنَّا مُجَمِّعُونَ (Mataan a sekami na Phesambayang kami sa Jumu’ah) Aya imanto pakaiza: Na so mga Ma’moom, Antonaa i kokoman ko kapa-kadarpa iran ko Khutbah ago Sambayang sa Jumuah? Sembag san: So Kadakelan ko mga Ulama sa Donya a ped ko mga Shaafi’iyyah, Hanafiyyah ago Maalikiyyah na aya kepit iran na Langon Phesambayangan so Eid ago so Jumuah inonta so Mababaling ko mga walay a tanto den mangawawatan ko Masjid So peman so mga Hanaabilah na aya kepit iran na so mga Ma’moom na makalelebi (Afdhal) kiran odi na Sunnah so Kasambayang sa Jumuah ogaid khapakay a basiran biden Shambayang sa Dhohr Katii so Daleel o Jamhoor a mga Ulama sa Donya 1. So Katharo o Allah: يَا أَيُّهَا الَّذِينَ آَمَنُوا إِذَا نُودِيَ لِلصَّلَاةِ مِنْ يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ. ذَلِكُمْ خَيْرٌ لَكُمْ إِنْ كُنْتُمْ تَعْلَمُونَ (Surah Jumu’ah) Miyaopakat so langon a Muslim sa Donya a kababaloy o Jumuah a Fardh ‘Ayn ago soden so Allah i miyaloy ko Qur’an ko kababaloy nyan a Paliyogat. Phitaro iran a igira a di makaphagayon so mga Muslim ko Mas-alah ko Hadith na aya paganay a pagilayn na so Qur’an 2. Hadith o Nu’man bin Basheer (RadhiAllaho ‘anho) عَنِ النُّعْمَانِ بْنِ بَشِيرٍ قَالَ كَانَ رَسُولُ اللَّهِ صلى الله عليه وسلم- يَقْرَأُ فِى الْعِيدَيْنِ وَفِى الْجُمُعَةِ بِ (سَبِّحِ اسْمَ رَبِّكَ الأَعْلَى) وَ (هَلْ أَتَاكَ حَدِيثُ الْغَاشِيَةِ) قَالَ وَإِذَا اجْتَمَعَ الْعِيدُ وَالْجُمُعَةُ فِى يَوْمٍ وَاحِدٍ يَقْرَأُ بِهِمَا أَيْضًا. فِى الصَّلاَتَيْنِ Miyakapoon ko Nu’man bin Basheer a phitaro iyan: So Nabi sallaho ‘alayhi wa sallam na aya phembatiyaan iyan ko dowa a ‘Eid (Eidul Fitr ago Eidul Adha) ago sii ko Jumuah na so “Sabbihisma Rabbikal A’la” ago so “Hal ataaka Hadeethul Ghaasiyah”. Phitaro iyan: Igira a miyakambaratmowa so Eid ago Jumu’ah ko isa a gawii na langon iyan pen anan phembatiyaan sii ko dowa a sambayang (So Sambayang a Eid ago so Sambayang a Jumuah) (Saheeh Muslim) Phitaro aken: Daleel anan a so Nabi Sallalaho alayhi wa sallam na di nyan di shambayangan so Jumuah ago so Eid langon makimpen miyakambaratmowa 3. So Kepit o Khaleefah Uthman bin Affaan (RadhiAllaho ‘anho) قال أبو عبيد ثم شهدت مع عثمان بن عفان فكان ذلك يوم الجمعة فصلى قبل الخطبة ثم خطب فقال يا أيها الناس إن هذا يوم قد اجتمع لكم فيه عيدان فمن أحب أن ينتظر الجمعة من أهل العوالي فلينتظر ومن أحب أن يرجع فقد أذنت له Phitaro o Abu Ubayd: Oriyan iyan na miyakapangped ako ko kiya-shambayang sa Eid ko Masa o Uthmaan ago gyoto na alongan a Jumu’ah. Oriyan nyan na phitaro iyan (Uthmaan bin Affan) ko mga tao: Hay mga tao, Mataan a gya-i so alongan a miyakambaratmowa rekano so dowa a ‘eid (maana so Eid ago so Jumuah), Saden sa kabaya iyan a pheniyaw ko mga Ahlul ‘Awaali para ko sambayang a Jumuah na pniyaw siran, go saden sa Kabaya iyan a mbaling na baling den ka bigan aken sekaniyan sa Laod a paro (Saheeh Bukhaari) Thanodan: Aya bo a bigan sa Laod a paro o Uthmaan na so mga Ahlul Awaali, aya Ahlul Awaali na so mga tao a mga wawatan i babalingan Inisogo reketano o Nabi sallallaho alayhi wa sallam so kaonoti ko Sunnah nyan ago Sunnah o mga Khulafaur Raashideen lagid o Uthmaan RadhiAllaho anho. Sabap sa so mga khaleefah nyan na siran na manga-babager sabot ko mga galebek o Nabi Sallalaho alayhi wa sallam. So pen so Khaleefah Uthmaan (RadhiAllaho ‘anho) e somiyogo sa kabaloy o Jumuah a dowa e Bang, sii ko masa o Nabi Sallallaho alayhi wa sallam go so Abu Bakr ago so Umar (RadhiAllaho anhoma) na isa-isa so Bang sa Jumuah na biyaloy o Uthmaan a Dowa. Imanto na Alhamdolillah ka langon o Muslim na oonotan iran so Sunnah o Uthmaan bin Affan RadhiAllaho ‘anho ago gyoto den mambo i onot iran ko Nabi sallallaho alayhi wa sallam sabap sa inisogo o Nabi Sallallaho alayhi wa sallam a onotan so mga Khulafaur Raashideen. 4. So Hadith o Khaleefah Umar bin Abdil Azeez عن عمر بن عبد العزيز قال اجتمع عيدان على عهد النبي صلى الله عليه و سلم فقال : من أحب أن يجلس من أهل العالية فليجلس من غير حرج Phitaro o Khaleefah 'Umar bin Abdul ‘Azeez: Sii ko masa o Nabi Sallallaho ‘alayhi wa sallam na miyakambaratmowa so dowa a ‘eid (maana so Eid ago Jumuah) ago Phitaro o Nabi Sallallaho alayhi wa sallam: (Saden sa kabaya iyan a montod (mniyaw) ko mga Ahlul ‘Aaliyah (mga wawatan i walay sa Masjid) na ontod (Pniyaw) sa daden a problema ron (Musnad Shafi’i, Kitaabul Um, Sunan Bayhaqi al-Kubra) Thanodan: So Khaleefah Umar bin Abdul Azeez na da nyan maraot so Nabi sallallaho alayhi wa sallam sabap roo na Mursal gya-i a Hadith. Makim pen na kagiya a ped sekaniyan ko mga Khulafaur Raashideen a inisogo o Nabi Sallallaho alayhi wa sallam a pagonotan so Sunnah iran. Miyatharo o Nabi Sallallaho 'Alayhi wa sallam a oman magatos ragon na aden a Mujaddid sangkai a Ummat Go Phitaro o Imaam Ahmad bin Hanbal a aya paganay a Mujaddid sangkai a Ummat o Nabi Sallallaho alayhi wa sallam na so Khaleefah a Umar bin Abdul Azeez ago ika-dowa na so Imaam Shafi’i (Rahimahomallah) Katii so Daleel o mga Hanaabilah 1. Hadith o Abu Hurayrah (RadhiAllaho ‘anho): قَالاَ حَدَّثَنَا بَقِيَّةُ حَدَّثَنَا شُعْبَةُ عَنِ الْمُغِيرَةِ الضَّبِّىِّ عَنْ عَبْدِ الْعَزِيزِ بْنِ رُفَيْعٍ عَنْ أَبِى صَالِحٍ عَنْ أَبِى هُرَيْرَةَ عَنْ رَسُولِ اللَّهِ -صلى الله عليه وسلم- أَنَّهُ قَالَ « قَدِ اجْتَمَعَ فِى يَوْمِكُمْ هَذَا عِيدَانِ فَمَنْ شَاءَ أَجْزَأَهُ مِنَ الْجُمُعَةِ وَإِنَّا مُجَمِّعُونَ Phitaro o Nabi Sallallaho alayhi wa sallam: Mataan ka miyakambaatmowa so dowa a ‘Eid (Eid ago Jumuah) ago saden sa kabaya iyan na kiyasokodan ron den so Eid sa khapakay den a di Shambayang sa Jumu’ah ago Sekami peman na Phesambayang kami sa Jumuah (Abu Dawood, Ibn Maajah, Ibn Jaarod, Bayhaqi ago si Haakim) *Phitaro e Shaykh Albaani: Saheeh *Phitaro e Haafiz Ibn Hajar Asqalaani: Phitaro o Imaam Daaraqutni ago so Imaam Ahmad bin Hanbal a gyanan na Mursal *Phitaro e Imaam Khattabi a so isnaad iyan na Feehe Maqaal *Phitaro e Imaam Ibn Mundhir: feehe Baqiyyato bin Waleed wa feehe maqaal *Phitaro e Imaam Ibn Jawzi : Dhaeef (Elalul Mutanaahiyah) *Phitaro e Imaam Ibn Hazm: Laa yathbot Thanodan: Aya Daleel sii o mga Hanaabilah na da tendoa o Nabi Sallallaho alayhi wa sallam antay bigan iyan sa laod a paro a diden kailangan a mangped sa Jumuah. Sa lagid o ba aya mapepemaana nyan na saden sa kabaya iyan na diden kailangan o ba pangped sa Jumuah. Ogaid na tanto a marayag sangkai a Hadith a so Nabi Sallallaho ‘alayhi wa sallam na phitaro iyan: (Inna Mujammi’oon) Sekami na Phesambayang kami sa Jumuah, Daleel anan a so Nabi Sallallaho alayhi wa sallam ago so mga Sahabah nyan na sekaniyan di mangutbah sa shambayang sa Jumuah Ago khapakay a tharoon o Jamhoor a aya maana gyoto a “Inna Mujammi’oon” na Sekami a taga Madinah na phesambayang kami sa Jumuah. So peman so mga wawatan i babalingan odi na walay a tanto a kharegenan mniyaw sa Masjid para sa Jumuah na khapakay den a di mangped sa Jumuah. Lagid o siyowa o Khaleefah a Uthmaan bin Affaan. 2. Hadith o Zaid bin Arqam (RadhiAllaho ‘anho): عَنْ إِيَاسِ بْنِ أَبِى رَمْلَةَ الشَّامِىِّ قَالَ شَهِدْتُ مُعَاوِيَةَ بْنَ أَبِى سُفْيَانَ وَهُوَ يَسْأَلُ زَيْدَ بْنَ أَرْقَمَ قَالَ أَشَهِدْتَ مَعَ رَسُولِ اللَّهِ -صلى الله عليه وسلم- عِيدَيْنِ اجْتَمَعَا فِى يَوْمٍ قَالَ نَعَمْ. قَالَ فَكَيْفَ صَنَعَ قَالَ صَلَّى الْعِيدَ ثُمَّ رَخَّصَ فِى الْجُمُعَةِ قَالَ مَنْ شَاءَ أَنْ يُصَلِّىَ فَلْيُصَلِّ (Abu Dawood, Nasai ago Ibn Maajah) *Phitaro e Shaykh Albaani ago si Shaykh Arnaot a gyanan na Saheeh * Phitaro e Imaam Nawawi: Jayyid *Phitaro e Imaam Ibn Mundhir a gyanan na Laa Yathbot sabap sa si Iyaas bin Abi Ramlah na “Majhool” *Phitaro e Imaam Ibn Qatta an: Kamaa Qaala Ibn Mundhir Annaho Laa yathbot (al-Wahmo wa Eeham) *Phitaro e Imaam Dhahabi: Majhool (Meezan) *Phitaro e Shaykhul Islaam Ibn Hajar Asqalaani: Majhool (Taqreeb) *Phitaro e Ibn Mulaqqin: Majhool *Phitaro e Imaam Ibn Khuzaymah: Di aken kilala si Iyaas bin Abi Ramlah o antay miyantogon ago miyag-jarh ron *Phitaro e Imaam Ibn Hazm: Laa yathbot Thanodan: Aden pen a lagidai a Hadith a piyanothol o Ibn Umar ago so Ibn Abbas ago lagid iyan mambo na aden a osayan ko sanad iyan makimpen piyaka-saheeh o Sabaad ko mga Ulama imanto. Ogaid na Langon gyoto a Hadith na Miya-aloy ron a so Nabi Sallallaho ‘alayhi wa sallam na phitaro iyan: (Inna Mujammi’oon) Sekami na Phesambayang kami sa Jumuah, Daleel anan a so Nabi Sallallaho alayhi wa sallam ago so mga Sahabah nyan na diden di shambayang sa Jumuah makimpen di makambaratmowa so Eid ago Jumuah. Thanodan: Sii ko masa o Nabi Sallallaho 'Alayhi wa sallam na isa isa a di shambayangan sa Jumuah ago Eid, sii bo sa Masjid Nabawi, Katawan den a aden a Masjid sa Quba ogaid na roo pen siran di shambayang sa Madina a mawatan kiran Ago mararani a aya bo bigan sa laod a paro na sobo so tanto den e mga wawatan i babalingan sa Masjid . So peman so mga rarani ko Masjid na Makaphesambayang den sa jumuah. WAllaho a’lam bis Sawaab