panarima o mga qadariyya

ﺳﻤﻴﺮﺓ ﺷﺮﻳﻒ PAKAISHA: ANTONAE PANARIMA O SECT A AL-QADARIYA, AGO AL-ARJAIYA? Salam...w.w. aya Panarima o Al-qadariyyah na: oonkirn iran so Qadar, so kon so langon a pkha olawla sa doniya na knaba ana Qadar, ka so manosiya i dii mbaal sa Qadar yan, so manosiya i mbabaya baya sa Qadar yan, aya tindg iran na so pkha olawla sa doniya na di katawan o Allah sii ko da niyan pn ka olawla. Sabap san na miya kapir siran, ka sodn so isa ko mga rokon o Iman i miya onkir iran. aya korik a panarima na so panarima o mga Ahlussunnah a so langon o pkha olawla sa angkai a doniya na katawan o Allah, go Qadar oto o Allah, a mini sorat dn ko onaan o dapn ka adna o Allah ko langit a go so Lupa... pitharo o Allah sa Qur-an [ ﺇﻧﺎ ﻛﻞ ﺷﻲﺀ ﺧﻠﻘﻨﺎﻩ ﺑﻘﺪﺭ ] soratol qamar; 49 maana: mataan a inadn ami so langon taman sa maka ookit sa Qadar! maana: langon o pkha olawla sa doniya na andang dn a katawan o Allah so pman so Al-irja-iyyah odi na Almorji-ah na sii siran miyadadag ko maana o IMAN "paratiyaya" sktano a mga Ahlussunnah na aya panarima tano na so Paratiyaya na [ so katharoawn o dila sa "miyaratiyaya ako", go tarimaan o Puso, go so kanggalbkawn o anggawta, pkhadarodos o kandosa na map'phaka bagr o mga simba. so mga Morji-ah na aya panarima iran na aya kon a IMAN "paratiyaya" na so KATARIMAA RON O PUSO! maana: asar a matatarima aka sa ginawangka a so Allah i patot a simban a dadn a salakaw ron, go skaniyan i miyangadn, na apiya dikadn pshambayang na Muslim kadn, apiyangka didn sinimba so Allah na Muslim kadn, ka dayran pda so galbk ko paratiyaya... apiya ka miyakanggalbk sa kapanakuto na Muslim kadn asar a matatago ko puso ka a Muslim ka! sabap san na mimbaloy siran a mga dadag a pagtao... kapir siran… adn pn a Sect a phmbthowan sa ALJABRIYYAH… Na siran i sopaka o mga QADARIYYAH… aya panarima iran na so tao na dadn a kapaar yan, langon taman na mapapasad dn, dadn a choice o manosiya, mittglon so Qadar yan! na di siran opama pshambayang ka tigiyan a daako makashambayang ka Qadar oto o Allah... kagiya sokon so Allah i miyadn ko langon taman, na skiyan o miyadn ko kambaradosa... na madosa so tao na ati andamanaya na kabaya o Allah ka skiyan i mithakdiron! sii ko masa o Omar "ra" na adn a miyaman'khaw na piyaki dakp o Omar "ra" ka photolan yan sa Lima, na tig o mama: inowakoman miyaka paman'khaw ka Qadar o Allah, na tig mambo o Omar "ra" na photolan ko ska mambo sa lima ka Qadar o Allah! sktano a mga Ahlussunnah na aya panarima tano na langon a pkha olawla sa doniya na Qadar o Allah, ogaid na so Allah na bigan tano niyan sa Choice, Options... inituro iyan rktano so Dowa a lalan! na phamili tano ron... na sadn sa khapili tano ron na Qadar dn oto... ogaid na limitado so dii kapaka pamili o manosiya, adn a Qadar a didn khasaling, kailangan dn a manggolawla, lagid o kiyabaloyngka a babay, na didn khaparo obaka mbaloy a mama. ino miyadadag a mga tao anan ka dayran mapaka shnggaya so Qadar… so Qadar na dowa Barang: 1.) Qadar Kawniyy! maana: Qadar a manonompang ko kiyapangadn o Allah, na giyanan i pantk dn a kailangan na manggolawla adadn a bawn kapaar o manosiya... lagid o kiya adna rka o Allah a babay, na dikadn phmbaloy a mama! 2.) Qadar Shar'ee! maana: Qadar a manonompag ko mga sugoan o Allah... na gyanan i adn kapamili on o manosiya! inisogo rka o Allah a shambayangka! na miyatimo rka o pshambayangka a go so di iportante na miyatharo o Allah a o shambayangka na phakasorga ka na o di ka shambayang na phaka naraka ka! na sadn sa piliin ka san na Qadar ka oto a katawan dn o Allah sii ko onaan pn a da niyan kawlawla... langkap so ilmo o Allah "swt"